സിനദിൻ സിദാന് കോവിഡ്

റയല്‍ മാഡ്രിഡ് പരിശീലകനും മുൻ ഫ്രഞ്ച് ഫുട്ബോൾ ഇതിഹാസവുമായ സിനദിൻ സിദാന് കോവിഡ്. കോവിഡ് രോ​ഗബാധിതനുമായി സമ്പർക്കത്തിലായതിനെത്തുടർന്ന് സി​ദാൻ ദിവസങ്ങളായി ക്വാറന്റെെനിലായിരുന്നു. ഇന്നത്തെ പരിശോധനയിലാണ് രോ​ഗം സ്ഥിരീകരിച്ചത്.

ലാ ലി​ഗ ക്ലബ്ബാണ് രോ​ഗവിവരം പുറത്തുവിട്ടത്. സിദാൻ ഐസൊലേഷനിൽ ആയിരിക്കുമെന്ന് ക്ലബ് അറിയിച്ചു. 

കോപ്പ ഡെൽ റെയിൽ മൂന്നാം ഡിവിഷൻ ടീമായ അൽകായോനോട് തോറ്റ് റയൽ മാഡ്രിഡ് പുറത്തായതിന്റെ സമ്മർദ്ദത്തിലായിരുന്നു സിദാൻ. ശനിയാഴ്ച അലാവ്‌സില്‍ നടക്കുന്ന മത്സരത്തില്‍ സിദാന്റെ അസിസ്റ്റന്റ് ഡേവിഡ് ബെറ്റോണിയക്കായിരിക്കും കോച്ചിന്റെ ചുമതല.