ഫുട്‌ബോളിനോടുള്ള താത്പര്യം ക്രിസ്റ്റ്യാനോ ജൂനിയര്‍ നേരത്തെ തന്നെ പ്രഖ്യാപിച്ചു കഴിഞ്ഞതാണ്. ഇപ്പോഴിതാ, അച്ഛനെ പോലെ യുവന്റ്‌സ് കുപ്പായത്തില്‍ തന്നെ ഗോളടിച്ച് തകര്‍ക്കുകയാണ് ക്രിസ്റ്റിയാനോ ജൂനിയര്‍.
മകന്റെ സോളോ ഗോളാണ് ക്രിസ്റ്റിയാനോ ആരാധകരുമായി പങ്കുവയ്ക്കുന്നത്. എതിര്‍ ടീമിന്റെ പ്രതിരോധനിര താരത്തേയും ഗോളിയേയും ഡ്രിബിള്‍ ചെയ്ത് കബളിപ്പിച്ചാണ് ക്രിസ്റ്റ്യാനോ ജൂനിയറിന്റെ ഗോള്‍. ഒന്‍പത് വയസില്‍ താഴെയുള്ളവരുടെ സീരി എ മത്സരത്തിലായിരുന്നു കുട്ടി ക്രിസ്റ്റ്യാനോയുടെ കളി.
ക്രിസ്റ്റിയാനോ റയലിലായിരിക്കുന്ന സമയത്ത് റയല്‍ ജൂനിയര്‍ ടീമിലും ജൂനിയര്‍ ക്രിസ്റ്റിയാനോ പന്ത് തട്ടാന്‍ ഇറങ്ങിയിരുന്നു. ഫുട്‌ബോളിനെ സ്‌നേഹിക്കുന്ന ക്രിസ്റ്റിയാനോ ജൂനിയറിന്റെ ഇഷ്ട താരം പക്ഷേ അച്ഛനല്ല, മെസിയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
