അപരാജിതം ബയേൺ......  ചാമ്പ്യൻസ് ലീ​ഗിൽ ബാവേറിയന്‍ പെരുമ 

ലിസ്ബൺ: യൂറോപ്പിലെ ഏറ്റവും വലിയ ​ക്ലബ് കിരീടത്തിൽ ഒരിക്കൽ കൂടി മുത്തമിട്ട് ബയൺ മ്യൂണിക്. എതിരില്ലാത്ത ഒരു ​ഗോളിനാണ് വെളിച്ചത്തിന്റെ സ്റ്റേഡിയത്തിൽ ബയേണിന്റെ വിജയം. 59ാം മിനിറ്റിൽ  കോമാനാണ് വിജയ ​ഗോൾ നേടിയത്.  ഇതോടെ ബയേണിന്റെ ചരിത്രത്തിലെ ആറാം കിരീടനേട്ടമായി.

മത്സരത്തിൽ നിരവധി അവസരങ്ങളാണ് പിഎസ്ജി കളഞ്ഞുകുളിച്ചത്. കിലിയൻ എംബപെയും ഡി മരിയയും പാരീസ്  ആരാധകരെ നിരാശപ്പെടുത്തി. ആദ്യമായിട്ടാണ് പിഎസ്ജി ചാമ്പ്യൻസ് ലീ​ഗ് ഫൈനലിൽ കളിക്കുന്നത്.

നേരത്തെ നേർക്കുനേർ പോരാടിയപ്പോൾ പിഎസ്ജിക്കായിരുന്നു മുൻതൂക്കം. മുൻപ് 8 തവണ കണ്ടുമുട്ടിയപ്പോൾ 5 വട്ടവും ജയിച്ചത് പിഎസ്ജി ആയിരുന്നു. എന്നാൽ നിർണായകമത്സരത്തിൽ വിജയം ബയേണിന് ഒപ്പം നിന്നു.