ന്യൂഡല്‍ഹി: കോവിഡ് സൃഷ്ടിച്ച പ്രതിസന്ധിക്കിടയില്‍ സഹായഹസ്തം നീട്ടി ഇന്ത്യന്‍ ക്രിക്കറ്റ് താരം മുഹമ്മദ് ഷമി. ഭക്ഷണത്തിനായി ബുദ്ധിമുട്ടുന്ന ആളുകള്‍ക്ക് ഭക്ഷണം വിതരണം ചെയ്യുകയാണ് ഇന്ത്യയുടെ ഷമി.
ഉത്തര്‍പ്രദേശിലെ സഹസ്പൂരിലാണ് ഷമി ഇപ്പോള്‍ കഴിയുന്നത്. സഹസ്പൂരിലെ തന്റെ വീടിനോട് ചേര്‍ന്ന് ഭക്ഷണം വിതരണം ചെയ്യുന്ന സെന്ററുകള്‍ ആരംഭിച്ചിരിക്കുകയാണ് താരം. ദേശിയ പാത 24ലൂടെ കടന്നു പോവുന്ന കുടിയേറ്റ തൊഴിലാളികള്‍ക്ക് ഭക്ഷണ പൊതികളും, മാസ്‌കുകളും ഷമി വിതരണം ചെയ്യുന്നുണ്ട്.
ഷമി സഹായ ഹസ്തം നീട്ടുന്നതിന്റെ വീഡിയോ ബിസിസിഐ സമൂഹമാധ്യമങ്ങളിലൂടെ പങ്കുവെക്കുന്നു. ബസിലും മറ്റും പോകുന്നവര്‍ക്ക് പഴങ്ങളും മാസ്‌കുക്കളും ഷമി വിതരണം ചെയ്യുന്നത് വീഡിയോയില്‍ കാണാം. വീടുകളിലേക്കെത്താന്‍ ലക്ഷ്യം വെക്കുന്നവര്‍ക്ക് ഷമിയുടെ സഹായം എന്ന് പറഞ്ഞ് പറഞ്ഞ് ബിസിസിഐ, നമ്മള്‍ ഈ പോരില്‍ ഒരുമിച്ചാണെന്നും ഓര്‍മപ്പെടുത്തുന്നു.
കഴിഞ്ഞ ദിവസം ഷമിക്കെതിരെ മുന്‍ ഭാര്യ ഹസിന്‍ ജഹാന്‍ രംഗത്തെത്തിയിരുന്നു. ഷമിക്കൊപ്പമുള്ള പഴയ സ്വകാര്യ ചിത്രം പങ്കുവെച്ചായിരുന്നു ഹസിന്റെ വരവ്. നിങ്ങള്‍ ഒന്നുമല്ലാതിരുന്നപ്പോള്‍ ഞാന്‍ നിങ്ങള്‍ക്ക് പരിശുദ്ധ. ഇപ്പോള്‍ ഒന്നിനും കൊള്ളാത്തവള്‍. പച്ചക്കള്ളങ്ങള്‍ എന്നും മൂടി വെക്കാനാവില്ലെന്നും ഷമിക്കൊപ്പമുള്ള നഗ്ന ഫോട്ടോയ്ക്ക് ഒപ്പം ഹസിന്‍ ജഹാന്‍ കുറിച്ചിരുന്നു. എന്നാല്‍ ഇതൊന്നും തന്നെ ബാധിക്കുന്നില്ലെന്ന് വ്യക്തമാക്കിയാണ് സഹായ ഹസ്തവുമായി ഷമി എത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
