സച്ചന്‍ ടെണ്ടുല്‍ക്കറും, ബ്രയാന്‍ ലാറയും വീണ്ടും കളിക്കളത്തിലേക്കെത്തുന്നു. ഇവര്‍ക്കൊപ്പം ആരാധകര്‍ വീണ്ടും ഗ്രൗണ്ടില്‍ കാണാന്‍ ആഗ്രഹിച്ച ഒരുപിടി താരങ്ങളുമുണ്ടാവും. റോഡ് സേഫ്റ്റി വേള്‍ഡ് സീരീസിലാണ് എല്ലാവരും എത്തുന്നത്.
കളിയില്‍ നിന്ന് വിരമിച്ച താരങ്ങളെ ഉള്‍പ്പെടുത്തി അഞ്ച് രാജ്യങ്ങളില്‍ നിന്നുള്ള ടീമുകളാണ് ടൂര്‍ണമെന്റില്‍ പങ്കെടുക്കുക. ഓസ്‌ട്രേലിയ, സൗത്ത് ആഫ്രിക്ക, ശ്രീലങ്ക, വിന്‍ഡിസ്, ഇന്ത്യ എന്നീ രാജ്യങ്ങള്‍ക്കായി അവരവരുടെ ഇതിഹാസ താരങ്ങള്‍ കളത്തിലിറങ്ങും.
സച്ചിന്‍, സെവാഗ്, ലാറ, ബ്രറ്റ് ലീ, ലങ്കയുടെ തിലകരത്‌ന ദില്‍ഷാന്‍, സൗത്ത് ആഫ്രിക്കയുടെ ജോണ്ടി റോഡ്‌സ് എന്നിവര്‍ കളിക്കാനുണ്ടാവും എന്ന് ഉറപ്പാണ്. അടുത്ത വര്‍ഷം ഫെബ്രുവരി 2 മുതല്‍ 16 വരെയാണ് ടൂര്‍ണമെന്റ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
