ആരാധകര്‍ ആഗ്രഹിക്കുന്ന മറുപടി ഇതാ; 'അര്‍ജന്റീനയെ പരിശീലിപ്പിക്കുന്നതാണ് സ്വപ്‌നം കാണുന്നത്' - പൊച്ചെറ്റിനോ

ഒരു ദിവസം അര്‍ജന്റീനയെ പരിശീലിപ്പിക്കുന്നതാണ് താന്‍ സ്വപ്‌നം കാണുന്നതെന്ന് ടോട്ടനം ഹോട്‌സ്പര്‍ കോച്ച് മൗറീസിയോ പൊച്ചെറ്റിനോ. ബാഴ്‌സലോണയ്‌ക്കെതിരായ യുവേഫ ചാംപ്യന്‍സ് ലീഗ് പോരാട്ടത്തിന് മണിക്കൂറുകള്‍ മാത്രമുള്ളപ്പോഴാണ് പൊച്ചെറ്റിനോയുടെ പ്രതികരണം. ബാഴ്‌സലോണയുടെ പരിശീലക സ്ഥാനമേറ്റെടുക്കുമെന്ന റിപ്പോര്‍ട്ടുകളെ അദ്ദേഹം നിഷേധിച്ചു. 

നേരത്തെ എസ്പാന്യോളിനെ പരിശീപ്പിച്ചിട്ടുള്ള പൊച്ചെറ്റിനോ ബാഴ്‌സലോണക്കെതിരായ പോരാട്ടത്തെ വളരെ പോസിറ്റീവായാണ് കാണുന്നത്. ബഴ്‌സയുടെ എതിരാളികളായി വീണ്ടും കളിക്കുന്നത് പ്രചോദനാത്മകമാണ്. 

പരിശീകന്റെ പൊഫഷണല്‍ കാഴ്ചപ്പാടിനുള്ളില്‍ നിന്ന് ഞാന്‍ സ്വപ്‌നം കാണുന്നത് ഒരു ദിവസം അര്‍ജന്റീനയുടെ പരിശീലകനായിരിക്കുക എന്നത് തന്നെയാണ്. ഒപ്പം ഫുട്‌ബോള്‍ താരമാകാന്‍ തീരുമാനിച്ച കാലത്ത് ആദ്യമായി അവസരം തന്ന ന്യൂവെല്‍സ് ഓള്‍ഡ് ബോയ്‌സ് ക്ലബിനേയും പരിശീലിപ്പിക്കണം. ഈ രണ്ട് സ്വപ്‌നങ്ങളാണ് ഉള്ളിലുള്ളത്. അതേസമയം നിലവില്‍ ടോട്ടനം കോച്ചാണ്. അതുകൊണ്ടുതന്നെ ടീമിനെ ഉയരത്തിലെത്തിക്കുക, വിജയത്തില്‍ സ്ഥിരതയുള്ള സംഘമാക്കുക തുടങ്ങിയവയാണ് ലക്ഷ്യം. ഇങ്ങനെയൊക്കെയാണ് തന്റെ പരിശീലന രീതികളെന്നും പൊച്ചെറ്റിനോ വ്യക്തമാക്കി.