ന്യൂഡല്‍ഹി: പെട്ടെന്ന് ക്ഷോഭിക്കുന്ന പഴയകാല അഭിനേതാക്കളുടെ സ്വഭാവം പോലെയാണ് ചില ക്രിക്കറ്റ് താരങ്ങളുടേത് എന്ന സുരേഷ് റെയ്‌നയെ ചൂണ്ടിയുള്ള ചെന്നൈ സൂപ്പര്‍ കിങ്‌സ് ഉടമ എന്‍ ശ്രീനിവാസന്റെ വാക്കുകള്‍ക്കെതിരെ ആരാധകര്‍. വിമര്‍ശനം ശക്തമായതോടെ തന്റെ വാക്കുകള്‍ വളച്ചൊടിക്കുകയായിരുന്നു എന്ന പ്രതികരണവുമായി എന്‍ ശ്രീനിവാസനെത്തി.
പ്രശസ്തി തലയ്ക്ക് പിടിച്ചു എന്നുള്‍പ്പെടെയുള്ള വാക്കുകള്‍ റെയ്‌നയെ കുറിച്ച് പറയവെ ചെന്നൈ ടീം ഉടമ ഉപയോഗിച്ചിരുന്നു. ഐപിഎല്ലില്‍ ചെന്നൈ സൂപ്പര്‍ കിങ്‌സിനായി തുടക്കം മുതല്‍ വിയര്‍പ്പൊഴുക്കി കളിച്ച താരമാണ് റെയ്‌ന എന്ന് മറക്കരുത് എന്നാണ് ആരാധകര്‍ പറഞ്ഞത്.
ആരാധകരുടെ പ്രതികരണം ശക്തമായതോടെ, താന്‍ പറഞ്ഞ കാര്യങ്ങള്‍ തെറ്റായി വ്യാഖ്യാനിച്ച് വിവാദം സൃഷ്ടിച്ചതാണെന്ന് ശ്രീനിവാസന്‍ പറഞ്ഞു. റെയ്‌ന ഇപ്പോള്‍ കടന്നു പോവുന്ന സാഹചര്യം മനസിലാക്കി അദ്ദേഹത്തിന് വേണ്ട സ്വകാര്യത നല്‍കുകയാണ് ഇപ്പോള്‍ വേണ്ടത് എന്നും ശ്രീനിവാസന്‍ പറഞ്ഞു.
ചെന്നൈ സൂപ്പര്‍ കിങ്‌സ് റെയ്‌നയ്‌ക്കൊപ്പം എന്നും ഉറച്ച് നില്‍ക്കും. വേദനയുടെ ഈ ഘട്ടത്തില്‍ റെയ്‌നയ്ക്ക് എല്ലാ പിന്തുണയും നല്‍കും. കുടുംബം പോലെ കഴിയുന്നവരാണ് കളിക്കാരെല്ലാം എന്നും ശ്രീനിവാസന്‍ പ്രതികരിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
