ഗ്രൗണ്ടില്‍ ഒരിക്കല്‍ കൂടി ഇര്‍ഫാന്‍ പഠാനെ കാണാന്‍ കാത്തിരുന്നവര്‍ക്ക് നിരാശരാവേണ്ടി വരും. എന്നാല്‍, താരത്തെ ഇനി ബിഗ് സ്‌ക്രീനില്‍ കാണാം. സിനിമയിലേക്ക് എത്തുകയാണ് ഇന്ത്യന്‍ മുന്‍ താരം.
തമിഴ് സിനിമയിലൂടെയാണ് പഠാന്‍ അരങ്ങേറ്റം കുറിക്കുന്നത്. അതും പൊലീസ് ഓഫീസറായി വിക്രമിനൊപ്പം. തുര്‍ക്കി പൊലീസായാണ് പഠാന്‍ എത്തുന്നത്. ചിത്രത്തിന്റെ പേര് ഇതുവരെ പുറത്തുവിട്ടിട്ടില്ല.
എന്തുകൊണ്ട് തുര്‍ക്കി പൊലീസിന്റെ വേഷത്തില്‍ ഞാന്‍ എന്ന ചോദ്യത്തിന്, ഞങ്ങള്‍ക്ക് 100 ശതമാനം താങ്കളില്‍ വിശ്വാസമുണ്ടെന്നായിരുന്നു അണിയറപ്രവര്‍ത്തകരുടെ മറുപടിയെന്ന് പഠാന്‍ പറയുന്നു.
25 വ്യത്യസ്ത ഗെറ്റപ്പുകളിലാണ് വിക്രം ഈ ചിത്രത്തില്‍ എത്തുന്നത്. ഇമെയ്ക നൊഡികള്‍, ഡിമോണ്ട് കോളനി എന്നീ ചിത്രങ്ങളുടെ സംവിധായകനായ അജയ് ജ്ഞാനമുത്തുവാണ് ചിത്രത്തിന്റെ സംവിധായകന്‍. 2020ല്‍ ചിത്രം തിയറ്ററുകളില്‍ എത്തും. പ്രിയ ഭവാനി ശങ്കറാണ് നായിക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
