ഐസ്‌ലന്‍ഡ് ഫുട്‌ബോള്‍ ടീം പരിശീലക സ്ഥാനം ഹെയ്മിര്‍ ഹല്‍ഗ്രിംസന്‍ ഒഴിഞ്ഞു. ഏഴ് വര്‍ഷമായി ടീമിനെ പരിശീലിപ്പിക്കുന്ന ഹല്‍ഗ്രിംസന്‍ സ്വന്തം തീരുമാനപ്രകാരമാണ് സ്ഥാനം രാജിവച്ചത്. ഹല്‍ഗ്രിംസന്റെ അപേക്ഷ മാനിച്ച് അദ്ദേഹത്തെ പരിശീലക സ്ഥാനത്ത് നിന്ന് മാറ്റിയതായി ഐസ്‌ലന്‍ഡ് ഫുട്‌ബോള്‍ അസോസിയേഷന്‍ ഒദ്യോഗികമായി വ്യക്തമാക്കി.
2011ലാണ് ഹല്‍ഗ്രിംസന്‍ ടീമിന്റെ പരിശീലകനായി ചുമതലയേറ്റത്. ടീമിന്റെ ഏറ്റവും മികച്ച മുന്നേറ്റത്തിന് ലോകം സാക്ഷിയായതും ഈ കാലഘട്ടത്തിലാണ്. ചരിത്രത്തിലാദ്യമായി ടീമിനെ യൂറോകപ്പിലേക്കും ലോകകപ്പിലേക്കും നയിക്കാന്‍ പരിശീലകന് സാധിച്ചു. യൂറോ കപ്പില്‍ ഇംഗ്ലണ്ടിനെ വരെ അട്ടിമറിച്ച് ക്വാര്‍ട്ടര്‍ വരെയെത്തി ഫുട്‌ബോള്‍ ആരാധകരുടെ മനം കീഴടക്കിയ ഐസ്‌ലന്‍ഡ് റഷ്യന്‍ ലോകകപ്പില്‍ കരുത്തരായ അര്‍ജന്റീനയെ ആദ്യ മത്സരത്തില്‍ 1-1ന് സമനിലയില്‍ തളച്ചും ശ്രദ്ധേയമായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
