ഏഷ്യാഡിൽ ഇന്ത്യക്ക് സുവർണത്തിളക്കം; ​ഗുസ്തി പിടിച്ച് ബജ്‌രംഗ് പുനിയ ആദ്യ സ്വർണം സമ്മാനിച്ചു

ജക്കാർത്ത: 18മത് ഏഷ്യൻ ഗെയിംസിൽ ഇന്ത്യക്ക് സുവർണത്തിളക്കം. 65 കിലോ ഗ്രാം ഫ്രീസ്‌റ്റൈൽ ഗുസ്‌തിയിൽ ബജ്‌രംഗ് പുനിയയിലൂടെ ഇന്ത്യ ആദ്യ സ്വർണം സ്വന്തമാക്കി. ഫൈനലിൽ ജപ്പാന്റെ ദൈച്ചി തക്കാത്താനിയെ തോൽപ്പിച്ചാണ് ബജ്‌റംഗിയുടെ മെഡൽ നേട്ടം.

നീന്തലിൽ ഇന്ത്യയുടെ മെഡൽ പ്രതീക്ഷയായിരുന്ന മലയാളി താരം സജൻ പ്രകാശിന് നിരാശ. 200 മീറ്റർ ബട്ടർഫ്ളൈസ് ഫൈനലിൽ അഞ്ചാം സ്ഥാനത്താണ് സജൻ ഫിനിഷ് ചെയ്‌തത്. ഒരു മിനിട്ട് 58.12 സെക്കൻഡിൽ ഫിനിഷ് ചെയ്‌തത് വേഗക്കാരനായി ഫൈനലിൽ പ്രവേശിച്ചെങ്കിലും പ്രതീക്ഷിച്ച പ്രകടനം ഫൈനലിൽ പുറത്തെടുക്കാനാവാതെ പോയതാണ് സാജന് വിനയായത്.