മുംബൈ: 13ാം ഐപിഎല്‍ സീസണ്‍ മാര്‍ച്ച് 29ന് ആരംഭിക്കും. ഡല്‍ഹി ക്യാപിറ്റല്‍ അധികൃതര്‍ വാര്‍ത്താ ഏജന്‍സിയായ ഐഎഎന്‍എസിനോടാണ് ഇക്കാര്യം വെളിപ്പെടുത്തിയത്. നിലവിലെ ചാമ്പ്യനായ മുംബൈ ഇന്ത്യന്‍സിന്റെ തട്ടകമായ വാങ്കഡെയിലാണ് ഉദ്ഘാടന മത്സരം.
എന്നാല്‍ മാര്‍ച്ച് 29ന് ടൂര്‍ണമെന്റ് തുടങ്ങുന്നതോടെ ആരാധകരെ നിരാശയിലാഴ്ത്തുന്ന ഘടകവുമുണ്ട്. ഓസ്‌ട്രേലിയ, ഇംഗ്ലണ്ട്, ന്യൂസിലാന്‍ഡ് ടീം അംഗങ്ങള്‍ക്ക് ഐപിഎല്ലിലെ ആദ്യ മത്സരങ്ങള്‍ നഷ്ടമാവും. ഈ സമയം രണ്ട് പരമ്പരകളാണ് നടക്കുക. ഓസ്‌ട്രേലിയയും കീവീസും തമ്മിലെ ട്വന്റി20 പരമ്പരയും, ഇംഗ്ലണ്ടും ശ്രീലങ്കയും തമ്മിലെ ടെസ്റ്റും.
മാര്‍ച്ച് 29നാണ് കീവീസ്-ഓസീസ് പോരിലെ അവസാന മത്സരം. ഇംഗ്ലണ്ട്-ശ്രീലങ്ക ടെസ്റ്റ് അവസാനിക്കുന്നത് മാര്‍ച്ച് 31ന്. ടീമിലെ പ്രധാന കളിക്കാരില്ലാതെ ആദ്യ മത്സരത്തിന് ഇറങ്ങേണ്ടി വരുന്നത് തുടക്കത്തെ ബാധിക്കുമെന്ന വിമര്‍ശനം ഉയരുന്നുണ്ട്. ഏപ്രില്‍ ഒന്നിലേക്ക് ഉദ്ഘാടന മത്സരം മാറ്റിവെച്ചാല്‍ വിദേശകളിക്കാരെ ഉള്‍പ്പെടുത്താന്‍ അത് സഹായകരമാകുമെന്നും ഫ്രാഞ്ചൈസികള്‍ ചൂണ്ടിക്കാണിക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
