ചെന്നൈ: ഐപിഎല്ലില്‍ നാലാം സ്ഥാനത്ത് ബാറ്റ് ചെയ്യുന്നതാവും ധോനിക്ക് ഇണങ്ങുകയെന്ന് ചെന്നൈ സൂപ്പര്‍ കിങ്‌സ് ബാറ്റിങ് കോച്ച് മൈക്ക് ഹസി. എന്നാല്‍ ടീമിന്റെ ഘടന സംബന്ധിച്ച് ഇതുവരെ തീരുമാനം എടുത്തിട്ടില്ലെന്നും ഹസി പറഞ്ഞു.
ധോനിക്ക് ഇണങ്ങുന്നത് നാലാം സ്ഥാനമാണ്. എന്നാല്‍ മധ്യനിരയില്‍ കളിക്കുന്നവരെല്ലാം സാഹചര്യത്തോട് ഇണങ്ങി കളിക്കണം. ടീമിന്റെ രൂപം സംബന്ധിച്ച തീരുമാനമായില്ല. നിലവില്‍ തയ്യാറെടുപ്പുകള്‍ക്കാണ് പ്രാധാന്യം നല്‍കുന്നത്, ഹസി ന്യൂ ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തില്‍ പറഞ്ഞു.
നിലവില്‍ അഞ്ചാമതോ ആറാമതോ ആയാണ് ധോനി ബാറ്റ് ചെയ്യുന്നത്. നാലാം സ്ഥാനത്തേക്ക് കയറുന്നതോടെ ധോനിക്ക് കൂടുതല്‍ സമയം ലഭിക്കും. പ്രധാന താരങ്ങളെ ചെന്നൈ നിലനിര്‍ത്തുന്നതിനേയും ഹസി പ്രശംസിച്ചു. ധോനി, സുരേഷ് റെയ്‌ന, ബ്രാവോ, ഇമ്രാന്‍ താഹീര്‍, ജഡേജ എന്നിവര്‍ ചചെന്നൈയുടെ നട്ടെല്ലാണ്. ഇവര്‍ക്കൊപ്പം ഹര്‍ഭജനും ഷെയ്ന്‍ വാട്‌സനും ചേരുന്നു. കടലാസില്‍ ഇത് ചെന്നൈക്ക് ശക്തി നല്‍കുന്നില്ലെങ്കിലും കളിക്കളത്തില്‍ ഇത് മികവ് പുറത്തെടുക്കാന്‍ ചെന്നൈയെ സഹായിച്ചിട്ടുണ്ട്.
ഗ്രൗണ്ടിലിറങ്ങി കഠിനാധ്വാനം ചെയ്യുക. കളിയെ കുറിച്ച് വ്യക്തമായ ബോധ്യമുള്ള പരിചയസമ്പത്തുള്ള കളിക്കാരെ ലഭിച്ചത് ഭാഗ്യമാണ്. ബാറ്റിങ്ങാണ് ഞങ്ങളുടെ കരുത്ത്. എന്നാല്‍ ബാലന്‍സ്ഡ് ആയ ടീമാണ് ഞങ്ങള്‍ക്കുള്ളത്. പറയുന്നത് പോലെ എളുപ്പമല്ല കാര്യങ്ങള്‍, എല്ലാവരും സാഹചര്യങ്ങള്‍ക്കൊത്ത് ഇണങ്ങേണ്ടതുണ്ട്, ഹസി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
