ലാഹോര്‍: കൊറോണ വൈറസ് ഭീതിയുടെ പശ്ചാത്തലത്തില്‍ ഓസീസ് താരം ക്രിസ് ലിന്‍ പാകിസ്ഥാന്‍ സൂപ്പര്‍ ലീഗ് മതിയാക്കി നാട്ടിലേക്ക് മടങ്ങുകയാണ്. എന്നാല്‍ നാട്ടിലെത്തിയാല്‍ രണ്ടാഴ്ച ഐസൊലേഷനില്‍ കഴിയണമെന്നത് ലിന്നിനെ നിരാശനാക്കുന്നു.
ജയിക്കുന്നതാണ് എനിക്കിഷ്ടം. വീട്ടില്‍ പോയി രണ്ടാഴ്ച ഐസൊലേഷനില്‍ ഇരിക്കുന്നതിനേക്കാള്‍ എനിക്ക് താത്പര്യം ഇവിടെ കളിച്ച് സിക്‌സുകള്‍ പറത്തുന്നതിലാണ്, ക്രിസ് ലിന്‍ പറഞ്ഞു,
ഓസ്‌ട്രേലിയയുമായി താരതമ്യം ചെയ്യുമ്പോള്‍ കാര്യങ്ങള്‍ കൂടുതല്‍ സങ്കീര്‍ണമാവുന്നത് ഇംഗ്ലണ്ടിലാണ്. പിഎസ്എല്ലിലെ ക്വാലാന്‍ഡേഴ്‌സ് ഫ്രാഞ്ചൈസിയെ സംബന്ധിച്ച് കുടുംബത്തിനാണ് പ്രഥമ പരിഗണന, ലിന്‍ പറഞ്ഞു.
രണ്ടാം സെമി ഫൈനലില്‍ വെള്ളിയാഴ്ച ക്വാലാന്‍ഡഴ്‌സ്-കറാച്ചി പോര് നടക്കാനിരിക്കെയാണ് ലിന്‍ നാട്ടിലേക്ക് മടങ്ങുന്നത്. കഴിഞ്ഞ കളിയില്‍ ക്വാലാന്‍ഡേഴ്‌സിനെ പത്ത് വിക്കറ്റിന് കറാച്ചി തോല്‍പ്പിച്ചിരുന്നു. പകരം വീട്ടാനുള്ള അവസരമാണ് ഇതെന്ന് പറഞ്ഞ് ടീമിനെ പ്രചോദിപ്പിച്ചാണ് ലിന്‍ ടീം വിടുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
