പുതു തലമുറയിലെ ഏറ്റവും മികച്ച ബാറ്റ്‌സ്‌മാനാണ്‌ ഓസീസ്‌ താരം സ്റ്റീവ്‌ സ്മിത്ത് എന്ന്‌ വാദിക്കുന്നവരുണ്ട്‌. എന്നാല്‍ സ്‌പിന്നിനെ നേരിടുന്ന കാര്യത്തില്‍ സ്‌മിത്തിന്‌ മാര്‍ക്ക്‌ നല്‍കാന്‍ ഇന്ത്യന്‍ താരം ചഹല്‍ തയ്യാറല്ല. സ്‌മിത്തിനേക്കാള്‍ നന്നായി പാക്‌ താരം ഷുഐബ്‌ മാലിക്ക്‌ സ്‌പിന്നിനെതിരെ കളിക്കുമെന്ന്‌ ചഹല്‍ പറയുന്നു.
സ്‌പിന്നിനെ നേരിടുന്നതില്‍ ലോകോത്തര ബാറ്റ്‌സ്‌മാന്മാരുടെ മികവിനെ കുറിച്ച്‌ ചോദിച്ചപ്പോഴായിരുന്നു ചഹലിന്റെ വാക്കുകള്‍. രോഹിത്‌ ശര്‍മയും വിരാട്‌ കോഹ്‌ ലിയുമാണ്‌ സ്‌പിന്നര്‍മാരെ നേരിടുന്നതില്‍ ചഹലിന്റെ കണ്ണില്‍ കേമന്മാര്‍. സ്‌പിന്നിനെ നേരിടുന്നതില്‍ സ്‌മിത്തിന്റേതിനേക്കാള്‍ മികച്ച ടെക്‌നിക്കുകളാണ്‌ ഷുഐബ്‌ മാലിക്കിലുള്ളതെന്ന്‌ ചഹല്‍ ചൂണ്ടിക്കാണിച്ചു.
വില്യംസണും സ്‌പിന്‍ ബൗളര്‍മാര്‍ക്ക്‌ കാര്യങ്ങള്‍ ദുഷ്‌കരമാക്കുന്ന ബാറ്റ്‌സ്‌മാനാണ്‌. പന്തിനായി കാത്ത്‌ നിന്ന്‌ ഒടുവിലത്തെ നിമിഷമാണ്‌ വില്യംസണ്‍ കളിക്കുന്നത്‌. പ്രത്യേകിച്ച്‌ സ്ലോ പിച്ചുകളില്‍. 2018 ഏഷ്യാ കപ്പില്‍ മാലിക്കിനെതിരെ ഞാന്‍ കളിച്ചിരുന്നു. അന്ന്‌ നല്ല ഡെലിവറികള്‍ പോലും കളിച്ച്‌ സിംഗിളുകളിലൂടെ റണ്സ് കണ്ടെത്താന്‍ മാലിക്കിനായത്‌ ചഹല്‍ ചൂണ്ടിക്കാണിക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
