തിരുവനന്തപുരം: ഒളിംപ്യന്‍ മേഴ്സിക്കു‍ട്ടന്‍ സ്പോർട്സ് കൗണ്‍സില്‍ പ്രസിഡന്റാകും. ടി.പി. ദാസന്‍ സ്ഥാനം ഒഴിയുന്ന സാഹചര്യത്തിലാണിത് . കഴിഞ്ഞദിവസം ചേർന്ന സിപിഎം സെക്രട്ടേറിയറ്റ് യോഗത്തിലാണ് ഇതുസംബന്ധിച്ച തീരുമാനം എടുത്തത്. സ്പോർട്സ് കൗൺസിൽ ഭാരവാഹികളായി കായിക രംഗത്തു നിന്നുള്ളവർ മതിയെന്ന് കായികമന്ത്രി ഇ പി ജയരാജൻ നിർദേശം വെക്കുകയായിരുന്നു. ഈ നിർദേശം നേതൃയോഗം അംഗീകരിച്ചു.
കണ്ണൂർ സ്പോർട്സ് കൗൺസിൽ മുൻ ജില്ലാ പ്രസിഡന്റ് ഒ കെ വിനീഷ് വൈസ് പ്രസിഡന്റാകും. ഭരണസമിതിലേക്ക് മൂന്ന് അംഗങ്ങളും പുതുതായി എത്തും. ഫുട്ബോള്‍ താരം ഐ.എം വിജയന്‍, ഒളിംപിക് അസോസിയേഷന്‍ പ്രസിഡന്റ് സുനില്‍കുമാര്‍, സ്വിമ്മിങ് അസോസിയേഷന്‍ പ്രതിനിധി എസ്. രാജീവ് എന്നിവരാണ് പുതിയ അംഗങ്ങള്‍. 25നാണ് പുതിയ ഭരണസമിതിയുമായി ബന്ധപ്പെട്ട സര്‍ക്കാര്‍ ഉത്തരവ് പുറത്തിറങ്ങുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
