ന്യൂഡല്‍ഹി: നൂറ് വര്‍ഷത്തിലൊരിക്കല്‍ മാത്രം ഭൂമിയില്‍ പിറവിയെടുക്കുന്ന പ്രതിഭാശാലിയായ ക്രിക്കറ്ററാണ് കപില്‍ദേവെന്ന് ബാറ്റിങ് ഇതിഹാസം സുനില്‍ ഗവാസ്‌കര്‍. ഡോണ്‍ ബ്രാഡ്മാനെ പോലെ, സച്ചിന്‍ തെന്‍ഡുല്‍ക്കറെ പോലെ അപൂര്‍വ്വമായി മാത്രം ജന്‍മം കൊണ്ട താരമാണ് കപില്‍ എന്ന ഓള്‍റൗണ്ടര്‍. അദ്ദേഹത്തെ മറ്റാരുമായും താരതമ്യം ചെയ്യരുത്. ഹാര്‍ദിക് പട്ടേലിനെ കപിലിനോട് ഉപമിക്കുന്നത് തന്നെ അനാദരവാണ് എന്നും ഗവാസ്‌കര്‍ പറഞ്ഞു.
ചേതേശ്വര്‍ പൂജാരയ്ക്ക് ടെസ്റ്റ് ബാറ്റ്‌സ്മാന് ആവശ്യമായ ക്ഷമയും കഴിവും ഉണ്ടെന്നും ഗവാസ്‌കര്‍ പ്രശംസിച്ചു. എത്രാമനായി ഇറങ്ങുന്നു എന്നതിനെ ആശ്രയിച്ചാണ് പൂജാരയെ പോലെ ഒരു താരത്തിന്റെ കഴിവ് പുറത്ത് വരിക. താന്‍ ആയിരുന്നുവെങ്കില്‍ ഉമേഷ് യാദവിന് പകരം പൂജാരയെ ഇറക്കിയേനെയെന്നും അദ്ദേഹം പറഞ്ഞു.
ടെസ്റ്റിനായി പരുവപ്പെട്ട കളിയല്ല ശിഖര്‍ ധവാന്‍ പുറത്തെടുക്കുന്നതെന്നും അദ്ദേഹം വിമര്‍ശിച്ചു. കളിയുടെ രീതിയെ മാറ്റാന്‍ ധവാന്‍ തയ്യാറാകുന്നേയില്ലെന്നും അദ്ദേഹം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates