ഇന്ത്യന് നായകന് വിരാട് കോഹ് ലിക്കൊപ്പം നില്ക്കുന്ന ബാറ്റിങ് മികവാണ് പാകിസ്ഥാന്റെ ബാബര് അസമിന്റേതെന്ന് ഓസീസ് മുന് താരം ടോം മൂഡി. കോഹ് ലിയുടെ ബാറ്റിങ് മനോഹരമാണെന്ന് നിങ്ങള് കരുതുന്നുണ്ടെങ്കില് ബാബറിലേക്ക് നോക്കൂ, വളരെ വിശിഷ്ടമായൊരു ബാറ്റിങ് അവിടെ കാണാമെന്നും ടോം മൂഡി പറഞ്ഞു.
കഴിഞ്ഞ ഒന്ന് രണ്ട് വര്ഷത്തിന് ഇടയിലെ ബാബറിന്റെ വളര്ച്ച വളരെ പ്രത്യേകതകളുള്ളതാണ്. ഈ വരുന്ന ദശകത്തിലെ മികച്ച 5 കളിക്കാരെ എടുത്താല് ബാബര് അസമിന്റെ പേര് അതില് എന്തായാലും ഉണ്ടാവും. അതില് ഒരു സംശയവും വേണ്ട. കണക്കുകള് വെച്ച് നോക്കുമ്പോള് ബാബറിന്റെ മികവ് വ്യക്തമാവില്ല. കാരണം വിദേശത്ത് താരത്തിന്റെ ബാറ്റിങ് ശരാശരി 37 മാത്രമാണ്.
എന്നാല് സ്വന്തം മണ്ണില് 67, ടോം മൂഡി പറഞ്ഞു. വിദേശത്ത് അധികം മത്സരങ്ങള് ബാബര് അസം കളിക്കാത്തതാണ് ഇതിന്റെ പ്രധാന കാരണം. വിദേശത്ത് കൂടുതല് കളിച്ചതും അസമിന്റെ കരിയറിന്റെ ആദ്യ നാളുകളിലായിരുന്നു എന്നും ടോം മൂഡി ചൂണ്ടിക്കാണിക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
