ക്വലാലംപൂര്‍: 2022ല്‍ ഖത്തറില്‍ നടക്കുന്ന ഫിഫ ലോകകപ്പ് ഫുട്‌ബോള്‍ പോരാട്ടത്തില്‍ പങ്കെടുക്കുന്ന ടീമുകളുടെ എണ്ണം 32ല്‍ നിന്ന് 48ആക്കി ഉയര്‍ത്താന്‍ ശ്രമിക്കുകയാണെന്ന് ഫിഫ തലവന്‍ ജിയന്നി ഇന്‍ഫാന്റിനോ. 2022ല്‍ നടക്കുന്ന ലോകകപ്പില്‍ കൂടുതല്‍ ടീമുകളെ പങ്കെടുപ്പിക്കാന്‍ സാധ്യതകള്‍ തേടുകയാണ്. 2026ല്‍ നടക്കുന്ന ലോകകപ്പില്‍ പങ്കെടുക്കുന്ന ടീമുകളുടെ എണ്ണം 48 ആക്കാന്‍ നേരത്തെ തന്നെ ഫിഫ തീരുമാനിച്ചിരുന്നു. 2022ല്‍ നടക്കുന്ന ലോകകപ്പിലും ഇതിനു സാധ്യതയുണ്ടെന്നാണ് ഫിഫ പ്രസിഡന്റിന്റെ നിലപാട്.
48 ടീമുകളായി ഉയര്‍ത്തിയാല്‍ ഏഷ്യയില്‍ നിന്ന് ഇരട്ടി ടീമുകള്‍ക്ക് പങ്കെടുക്കാനുള്ള അവസരം ലഭിക്കും. ഇതുവരെ നാല് ടീമുകള്‍ നേരിട്ടും ഒരു ടീം പ്ലേ ഓഫ് വഴിയുമാണ് ഏഷ്യയില്‍ നിന്ന് യോഗ്യത നേടിയിരുന്നത്. 48 ടീമുകള്‍ ആണെങ്കില്‍ ഏഷ്യയില്‍ നിന്ന് എട്ട് ടീമുകള്‍ക്ക് സാധ്യതയുണ്ട്. ഇത് ഇന്ത്യയെ പോലുള്ള ടീമുകള്‍ക്ക് പ്രതീക്ഷയാണ്.
ഖത്തര്‍ ലോകകപ്പിലെ ടീമുകളുടെ പങ്കാളിത്തം 32ല്‍ നിന്ന് 48ഉയര്‍ത്തിയാല്‍ മറ്റ് അറബ് രാജ്യങ്ങളെയും ഉള്‍പ്പെടുത്തി ലോകകപ്പ് നടത്താനും ഫിഫ ഉദ്ദേശിക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
