ഗയാന: ലോകകപ്പോടെ ഏകദിനം മതിയാക്കുമെന്ന മുൻ തീരുമാനം മാറ്റി ഇന്ത്യക്കെതിരായ ഏകദിനത്തിൽ പാഡുകെട്ടാനൊരുങ്ങുകയാണ് വെസ്റ്റിൻഡീസ് സൂപ്പർ ബാറ്റ്സ് മാൻ ക്രിസ് ഗെയ്ൽ. ഇന്ത്യക്കെതിരായ ഏകദിന പരമ്പരയോടെ ഏകദിന ക്രിക്കറ്റിനോട് വിടപറയാനുള്ള തീരുമാനത്തിലാണ് ഗെയ്ല്.
അതേസമയം ഗെയ്ലിനൊപ്പം കളിക്കുന്നതിന്റെ ആവേശത്തിലാണ് ഇന്ത്യന് ഉപനായകൻ രോഹിത് ശര്മ. ഓപ്പണർമാരാണെങ്കിലും ശൈലി കൊണ്ട് വ്യത്യസ്തരായ ഇരുവരും ഹാർഡ് ഹിറ്റിങ് കൊണ്ട് ശ്രദ്ധ നേടിയവരുമാണ്.
വിൻഡീസിനെതിരായ ഏകദിനപരമ്പരയ്ക്ക് മുമ്പായി രോഹിത് സോഷ്യൽ മീഡിയയിലൂടെ പുറത്തുവിട്ട ഒരു ചിത്രം ഇപ്പോൾ വൈറലായി മാറി. ജേഴ്സി ധരിച്ച് ഗെയ്ലിനൊപ്പം പുറംതിരിഞ്ഞു നില്ക്കുന്ന ചിത്രമാണ് രോഹിത് പങ്കുവെച്ചത്. ഈ ചിത്രം കണ്ടതോടെയാണ് ഇരുവരും തമ്മില് ഇക്കാര്യത്തിലുള്ള സാമ്യത ആരാധകര് ശ്രദ്ധിച്ചത്. ഇരുവരുടെയും ജേഴ്സി നമ്പര് 45 ആണെന്നതാണ് ഇരുവർക്കുമിടയിലെ സാമ്യം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
