ചുമച്ചാല്‍ ഇനി ചുവപ്പ് കാര്‍ഡ്; പുതിയ നിയമവുമായി ഇം​ഗ്ലീഷ് ഫുട്ബോൾ

ലണ്ടന്‍: കോവിഡ് മഹാമാരി കളിക്കളത്തിലെ നിയമങ്ങളില്‍ മാറ്റം വരുത്താന്‍ അസോസിയേഷനുകളെ പ്രേരിപ്പിക്കുന്ന കാഴ്ചയാണ് കാണുന്നത്. ഇപ്പോഴിതാ ഇംഗ്ലീഷ് ഫുട്‌ബോള്‍ അസോസിയേഷന്‍ ശ്രദ്ധേയമായ ഒരു തീരുമാനമവുമായി രംഗത്തെത്തിയിരിക്കുകയാണ്. 

കളത്തില്‍ ഒരു താരം എതിര്‍ത്താരത്തിന് സമീപത്ത് നിന്നോ അല്ലെങ്കില്‍ ഓഫീഷ്യല്‍സിന് സമീപത്ത് വച്ചോ ചമയ്ക്കുകയാണെങ്കില്‍ റഫറിക്ക് ഇനി മുതല്‍ മഞ്ഞ അല്ലെങ്കില്‍ ചുവപ്പ് കാര്‍ഡുകള്‍ കാണിക്കാനുള്ള അനുമതി നല്‍കി. അനാവശ്യമായ വാക്കുകള്‍ പ്രയോഗിച്ച് അപമാനിക്കുന്ന കുറ്റത്തിന് സമാനമായിരിക്കും ഇനിമുതല്‍ ഇത്തരം നീക്കങ്ങള്‍. 

ദൂരെ നിന്ന് സ്വാഭാവികമായി ചുമയ്ക്കുന്നത് ഈ നിയമത്തിന്റെ പരിധിയില്‍ വരില്ല. അതേസമയം കളിക്കിടെ മൈതാനത്ത് കളിക്കാര്‍ തുപ്പുന്നത് തടയാന്‍ റഫറി ശ്രദ്ധിക്കേണ്ടതുണ്ടെന്നും അസോസിയേഷന്‍ പുറത്തിറക്കിയ റിപ്പോര്‍ട്ടില്‍ വ്യക്തമാക്കുന്നു.