ടോക്യോ: ജപ്പാന്‍ ഓപണ്‍ ബാഡ്മിന്റണില്‍ നിന്നും ഇന്ത്യയുടെ പി വി സിന്ധു പുറത്ത്. രണ്ടാം റൗണ്ടില്‍ ചൈനീസ് താരം ഫാങ്ജി ഗാവോയോടാണ് സിന്ധു തോറ്റ് പുറത്തായത്. 55 മിനിറ്റ് മാത്രം നീണ്ട മത്സരത്തില്‍ നേരിട്ടുള്ള സെറ്റുകള്‍ക്കായിരുന്നു ഫാങ്ജി ഗാവോയുടെ വിജയം. സ്‌കോര്‍ 18-21,19-21. ജക്കാര്‍ത്തയില്‍ നടന്ന ഏഷ്യന്‍ ഗെയിംസ് ഫൈനലില്‍ സിന്ധു പരാജയപ്പെട്ടിരുന്നു.
പുരുഷ സിംഗിള്‍സില്‍ എച്ച് എസ് പ്രണോയി പുറത്തായപ്പോള്‍ കിഡംബി ശ്രീകാന്ത് ക്വാര്‍ട്ടറില്‍ കടന്നിട്ടുണ്ട്. ലോക പത്താം നമ്പര്‍ താരമായ ഇന്തോനേഷ്യയുടെ ആന്റണി സിനിസുകയോടാണ് പ്രണോയി തോറ്റത്.
മത്സരത്തില്‍ ഇനി അവശേഷിക്കുന്ന ഏക ഇന്ത്യന്‍ പ്രതീക്ഷ കെ ശ്രീകാന്ത് മാത്രമാണ്. കഴിഞ്ഞ വര്‍ഷം നടന്ന ഡെന്‍മാര്‍ക്ക് ഓപണിന് ശേഷം ഇതാദ്യമായാണ് സിന്ധുവിന് ടൂര്‍ണമെന്റിന്റെ പ്രാഥമിക റൗണ്ടില്‍ കാലിടറുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
