ഞാന് ബാലന് ദി ഓറിന് അര്ഹനല്ല, അര്ഹതയുള്ളത് മറ്റൊരാള്ക്കെന്ന് ഹസാര്ഡ്
മെസിയും ക്രിസ്റ്റ്യാനോയും അല്ലാതെ മറ്റൊരു പേര് ഇത്തവണ ഉയര്ന്നു വന്നേക്കും, ബാലന് ദി ഓറില് മുത്തമിടാന്. ഫുട്ബോള് ലോകം ആരാകും ഇതെന്നത് സംബന്ധിച്ച് ചൂടുള്ള ചര്ച്ചകള് നടത്തുന്നതിന് ഇടയില് പ്രതികരണവുമായി എത്തുകയാണ് ചെല്സിയുടെ സൂപ്പര് താരം ഏഡന് ഹസാര്ഡ്.
ഞാന് ബാലന് ദി ഓര് അര്ഹിക്കുന്നില്ല. എന്നാല് എംബാപ്പെയ്ക്ക് അത് കൈകളില് ഏറ്റുവാങ്ങുവാനുള്ള അര്ഹതയുണ്ട് എന്നാണ് ഹസാര്ഡ് പറയുന്നത്. എന്റെ മികച്ച വര്ഷമായിരുന്നു ഇത്. പക്ഷേ യാഥാര്ഥ്യ ബോധത്തോടെ വേണമല്ലോ നമ്മള് സംസാരിക്കാന്. എന്നേക്കാള് മികച്ച കളിക്കാര് ഇവിടെയുണ്ട്.
ബാലന് ദി ഓറിനായി മോഡ്രിച്ചിന്റെ പേര് ഞാന് പറയുമായിരുന്നു. എന്നല് ഓഗസ്റ്റ്, സെപ്തംബര് മുതല് മോഡ്രിച്ചിന് കളിക്കളത്തില് വലിയ മുന്നേറ്റം നടത്താനായിട്ടില്ല. സീസണിന്റെ തുടക്കത്തിലെ പ്രകടനം കണക്കിലെടുത്താല് ഞാന് എംബാപ്പെയുടെ പേരാകും നിര്ദേശിക്കുക എന്നം ഹസാര്ഡ് പറയുന്നു.
ബാലന് ദി ഓറിന്റെ വോട്ടുകള് ആദ്യ ഘട്ടം എണ്ണി കഴിഞ്ഞപ്പോള് മോഡ്രിച്ചാണ് മുന്നിലെന്നാണ് പുറത്തു വരുന്ന റിപ്പോര്ട്ട്. പിന്നില് എംബാപ്പെയും മൂന്നാമത് വരാനേയുമാണ്. മോഡ്രിച്ച് ബാലന് ദി ഓറില് മുത്തമിടുമെന്ന വിലയിരുത്തലിലാണ് ഫുട്ബോള് ലോകം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
