ടോക്ക്യോ: കൊറോണ വൈറസ് വ്യാപനത്തിന്റെ പശ്ചാത്തലത്തില്‍ മാറ്റിവച്ച ടോക്ക്യോ ഒളിമ്പിക്‌സിന്റെ തീയതിയില്‍ തീരുമാനം. 2021 ജൂലൈ 23 മുതല്‍ ഓഗസ്റ്റ് എട്ട് വരെയാണ് ഒളിമ്പിക്‌സ് അരങ്ങേറുകയെന്നാണ് പുറത്തു വരുന്ന റിപ്പോര്‍ട്ടുകള്‍.
കൊറോണ വൈറസ് വ്യാപനം ലോക വ്യാപകമായി തുടരുന്നതിന്റെ പശ്ചാത്തലത്തില്‍ കഴിഞ്ഞയാഴ്ചയാണ് ഒളിമ്പിക്‌സ് അടുത്ത വര്‍ഷത്തേക്ക് മാറ്റാന്‍ ധാരണയായത്. ജപ്പാന്‍ ഒളിമ്പിക്‌സ് സംഘാടക സമിതിയും അന്താരാഷ്ട്ര ഒളിമ്പിക്ക് കമ്മിറ്റിയും തമ്മില്‍ നടത്തിയ ചര്‍ച്ചയിലാണ് തീയതി സംബന്ധിച്ച് തീരുമാനമെടുത്തതെന്ന് ജപ്പാന്‍ മാധ്യമങ്ങള്‍ റിപ്പോര്‍ട്ട് ചെയ്തു.
ആധുനിക ഒളിമ്പിക്‌സിന്റെ ചരിത്രത്തില്‍ ആദ്യമായാണ് ഇത്തരത്തില്‍ തീരുമാനിച്ച തീയതിയില്‍ നിന്ന് ഒളിമ്പിക്‌സ് മാറ്റി വയ്‌ക്കേണ്ട അവസ്ഥ വന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
