വെല്ലിങ്ടണ്‍: ന്യൂസിലന്റിനെതിരായ രണ്ടാം ഏകദിനത്തില്‍ ടോസ് നേടിയ ഇന്ത്യ ആതിഥേയരെ ബാറ്റിങനയച്ചു. ഇന്നത്തെ മത്സരം ഇന്ത്യയ്ക്ക് നിര്‍ണായകമാണ്. ആദ്യ ഏകദിനത്തിലെ 4 വിക്കറ്റ് തോല്‍വി കണ്ണു തുറപ്പിച്ച ഇന്ത്യയെയാകും ഇന്ന് ഈഡന്‍ പാര്‍ക്കില്‍ കാണുക. മൂന്നു മത്സരപരമ്പരയില്‍ ആദ്യകളി ജയിച്ച ന്യൂസിലന്‍ഡ് 1–0ന് മുന്നിലാണ്.
ഓക്‌ലന്‍ഡ് ബാറ്റ്‌സ്മാന്‍മാരുടെ അരങ്ങാണ്. ചെറിയ മൈതാനം. ട്വന്റി–20യില്‍ പരമ്പരയില്‍ പൂര്‍ണമായും പരാജയപ്പെട്ട കിവികള്‍ ബാറ്റിങ് മികവിലാണ് ആദ്യ ഏകദിനം നേടിയത്. സെഞ്ചുറി നേടിയ റോസ് ടെയ്‌ലറാണ് പ്രതീക്ഷ.
ഇന്ത്യന്‍ നിരയില്‍ പുതിയ ഓപ്പണിങ് സഖ്യമായ പൃഥ്വി ഷാ–മായങ്ക് അഗര്‍വാള്‍ കൂട്ടുകെട്ട് ഇന്നും തുടരും. ബാറ്റിങ് നിരയില്‍ മാറ്റങ്ങളുണ്ടാകില്ല. ബൗളര്‍മാരില്‍ ശര്‍ദുള്‍ താക്കൂറിനും കുല്‍ദീപ് യാദവിനും സ്ഥാനം നഷ്ടപ്പെടാന്‍ ഇടയുണ്ട്. ഹാമില്‍ട്ടണിലെ ആദ്യ കളിയില്‍ ഇരുവരും ധാരാളം റണ്‍ വഴങ്ങിയിരുന്നു. ശര്‍ദുളിനുപകരം നവ്ദീപ് സെയ്‌നിയും കുല്‍ദീപിനുപകരം യുശ്‌വേന്ദ്ര ചഹാലും ടീമിലെത്തി.
കിവീസ് ഇന്ത്യയുടെ 347 റണ്‍സ് പിന്തുടര്‍ന്നു ജയിച്ച സെഡന്‍ പാര്‍ക്കിനെക്കാള്‍ ചെറിയ മൈതാനമാണ് ഈഡനിലേത്. അതിനെക്കാള്‍ വലിയ സ്‌കോര്‍ പിറന്നേക്കാം, ഒരു പക്ഷേ അതും പിന്തുടര്‍ന്നു ജയിച്ചേക്കാം. രണ്ടാമതു ബാറ്റ് ചെയ്തവരെ കൃത്യമായി പിന്തുണയ്ക്കുന്നതാണ് ഈഡനിലെ ചരിത്രം. അതിനാല്‍ ടോസ് നിര്‍ണായകമാണ്. ട്വന്റി20 പരമ്പരയിലെ രണ്ടു മത്സരങ്ങള്‍ ഇന്ത്യ ഇവിടെ പിന്തുടര്‍ന്നാണു ജയിച്ചത്. ഇതിനു മുന്‍പുള്ള രണ്ട് പരമ്പരകളും (വെസ്റ്റിന്‍ഡീസിനെതിരെയും ഓസ്‌ട്രേലിയയ്‌ക്കെതിരെയും) ആദ്യ മത്സരം തോറ്റശേഷമാണ് ജയിച്ചത് എന്നതും ഇന്ത്യയ്ക്ക് അല്‍പം ആത്മവിശ്വാസം നല്‍കുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
