കോവിഡ്‌ 19 ഭീതിയില്‍ ലോകം മുങ്ങുമ്പോള്‍ കളിക്കളത്തിലെ ആരവമെല്ലാം നിലച്ചു. ഒക്ടോബറല്‍ നടക്കേണ്ട ട്വന്റി20 ലോകകപ്പും നഷ്ടപ്പെടുമോ എന്ന ആശങ്കയിലാണ്‌ ക്രിക്കറ്റ്‌ പ്രേമികള്‍. എന്നാല്‍ ആ ആശങ്കകള്‍ക്കിടയിലും ട്വന്റി20 ലോകകപ്പിലെ സെമി ഫൈനലിസ്റ്റുകളെ പ്രവചിക്കുകയാണ്‌ ഓസീസ്‌ മുന്‍ താരം ഡീന്‍ ജോന്‍സ്‌.
ഇന്ത്യ, ഓസ്‌ട്രേലിയ, ഇംഗ്ലണ്ട്‌, വെസ്റ്റ്‌ ഇന്‍ഡീസ്‌ അല്ലെങ്കില്‍ പാകിസ്ഥാന്‍. വെസ്റ്റ്‌ ഇന്‍ഡീസിന്റേയും പാകിസ്ഥാന്റേയും കാര്യം നിര്‍ണയിക്കുക ബൗളര്‍മാരാണെന്നും അദ്ദേഹം പറഞ്ഞു. ഐപിഎല്‍ ആണോ പിഎസ്‌എല്‍ ആണോ മികച്ചത്‌ എന്ന ചോദ്യത്തിലും ഡീന്‍ ജോന്‍സ്‌ മറുപടി നല്‍കി. ഐപിഎല്ലിനൊപ്പമാണ്‌ അദ്ദേഹം നില്‍ക്കുന്നത്‌.
എന്നാല്‍ പിഎസ്‌എല്ലിലാണ്‌ മികച്ച ബൗളിങ്‌ കാണാന്‍ സാധിക്കുക എന്ന്‌ ജോന്‍സ്‌ ചൂണ്ടിക്കാട്ടി. ഐപിഎല്‍, പിഎസ്‌എല്‍, സിപിഎല്‍, ബിപിഎല്‍ എന്നിവയുടെയൊന്നും ഗണത്തില്‍ വരുന്നതല്ല ബിഗ്‌ ബാഷ്‌ ലീഗ്‌ എന്നും അദ്ദേഹം പറഞ്ഞു. ട്വിറ്ററില്‍ ആരാധകരുടെ ചോദ്യങ്ങള്‍ക്ക്‌ മറുപടി നല്‍കുകയായിരുന്നു താരം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
