ബ്യൂണഴ്‌സ് അയേഴ്സ്: യുവന്റസിന്റെ അര്‍ജനന്റീന ഫുട്‌ബോള്‍ താരം ഡിബാലയ്ക്കും ഇറ്റാലിയന്‍ ഫുട്‌ബോള്‍ ഇതിഹാസം പൗളോ മാള്‍ഡീനിക്കും കോറോണ സ്ഥിരീകരിച്ചു. കോവിഡ് 19 സ്ഥിരീകരിച്ചതോടെ രോഗം ബാധിക്കുന്ന യുവന്റസിന്റെ മൂന്നാമത്തെ താരമായി ഡിബാല.ലോകത്ത് കോവഡി 3,06,893 ആയി ഉയര്‍ന്നു.
യുവന്റസ് താരങ്ങളായ ഡാനിയോല്‍ റുഗാനിക്കും ബ്ലെയ്‌സ് മറ്റിയൂഡിക്കും നേരത്തെ കൊറോണ വൈറസ് സ്ഥിരീകരിച്ചിരുന്നു. റുഗാനിക്ക് വൈറസ് ബാധ സ്ഥിരീകരിച്ചതിനു പിന്നാലെ ടീം അംഗങ്ങളെല്ലാം സ്വയം നീരീക്ഷണത്തിലിരിക്കുകയും പരിശോധനകള്‍ നടത്തുകയും ചെയ്തിരുന്നു.
2018ല്‍ ലോകകപ്പ് നേടിയ ഫ്രഞ്ച് ടീം അംഗമായ മറ്റിയൂഡിയും റുഗാനിയും ഐസൊലേഷനില്‍ സുഖമായിരിക്കുന്നുവെന്നാണ് റിപ്പോര്‍ട്ടുകള്‍.
നേരത്തെ ഡിബാലയ്ക്ക് കൊവിഡ്19 സ്ഥിരീകരിച്ചെന്ന റിപ്പോര്‍ട്ടുകള്‍ പ്രചരിച്ചിരുന്നെങ്കിലും അത് തള്ളി അദ്ദേഹം രംഗത്തെത്തിയിരുന്നു. താന്‍ സ്വയം നിരീക്ഷണത്തിലാണെന്ന് ഡിബാല വ്യ്ക്തമാക്കി. യുവന്റസ് താരങ്ങളും പരിശീലകരും ഉള്‍പ്പെടെ ടീമുമായി ബന്ധപ്പെട്ട 121 പേരാണ് നിരീക്ഷണത്തിലുള്ളത്. ഇറ്റാലിയന്‍ മാധ്യമമായ എല്‍ നാസിയോണല്‍ ഡിബാലയ്ക്ക് കൊവിഡ്19 സ്ഥിരീകരിച്ചതായി റിപ്പോര്‍ട്ടു ചെയ്തത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
