കോവിഡ്‌ 19 സൃഷ്ടിക്കുന്ന സാമ്പത്തിക ആഘാതങ്ങളെ തുടര്‍ന്ന്‌ ഇന്ത്യക്ക്‌ പണം കണ്ടെത്താനാവാതെ വന്നാല്‍ മത സ്ഥാപനങ്ങള്‍ സര്‍ക്കാരിനെ സഹായിക്കണമെന്ന്‌ കപില്‍ ദേവ്‌. അത്‌ അവരുടെ കടമയാണെന്നും അദ്ദേഹം ചൂണ്ടിക്കാണിച്ചു.
ഇന്ത്യക്ക്‌ പണം കണ്ടെത്താനാവാതെ വന്നാല്‍ മത സ്ഥാപനങ്ങളും, സംഘടനകളുമുണ്ട്‌. വിഗ്രഹ ദര്‍ശനത്തിനെത്തുമ്പോള്‍ നമ്മള്‍ ഒരുപാട്‌ പണം ഇവര്‍ക്ക്‌ നല്‍കുന്നതാണ്‌. അതുകൊണ്ട്‌ അവര്‍ ഈ സമയം സര്‍ക്കാരിനെ സഹായിക്കട്ടേയെന്ന്‌ കപില്‍ ദേവ്‌ പറഞ്ഞു.
കോവിഡ്‌ 19 ഭീഷണിയില്‍ നില്‍ക്കുന്ന സമയം ഇന്ത്യാ-പാക്‌ മത്സരമെന്ന വാദമുയര്‍ത്തുന്നവരേയും അദ്ദേഹം വിമര്‍ശിച്ചു. പഠനം മുടങ്ങുന്ന കുട്ടികളെ കുറിച്ചുള്ള ചിന്തയാണ്‌ എന്നെ അലട്ടുന്നത്‌ എന്ന്‌ കപില്ദേവ് പറഞ്ഞു.
ക്രിക്കറ്റ്‌ മാത്രമാണോ ഇവിടെ ആശങ്കയിലുള്ള വിഷയം? സ്‌കൂളിലും കോളെജിലും പോവാന്‍ സാധിക്കാത്ത വിദ്യാര്‍ഥികളെ കുറിച്ചുള്ള ആശങ്കയാണ്‌ എനിക്ക്‌ കൂടുതല്‍. കാരണം, അവരാണ്‌ നമ്മുടെ പുതു തലമുറ. അതുകൊണ്ട്‌ ആദ്യം സ്‌കൂളുകള്‍ തുറക്കണമെന്നാണ്‌ ഞാന്‍ പറയുക. ക്രിക്കറ്റും ഫുട്‌ബോളുമെല്ലാം പിന്നാലെ എത്തിക്കോളും...കപില്ദേവ് പറഞ്ഞു.
ധനസമാഹരണത്തിനായി ഇന്ത്യ-പാക്‌ മത്സരം സംഘടിപ്പിക്കണമെന്ന്‌ അക്തറിന്റെ ആവശ്യം വീണ്ടും കപില്ദേവ് തള്ളി. ധനസമാഹരണത്തിന്‌ മറ്റ്‌ പല വഴികളുണ്ട്‌. പണം വേണമെങ്കില്‍ അതിര്‍ത്തിയിലെ പ്രവര്‍ത്തികള്‍ നിങ്ങള്‍ അവസാനിപ്പിക്കണം. ആ പണത്തിന്‌ ആശുപത്രികള്‍ ആരംഭിക്കണം, അക്തറിന്‌ മറുപടിയായി കപില്ദേവ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
