കോഴിക്കോട്: അറുപത്തിയാറാമത് ദേശീയ സീനിയര്‍ വെളിബോള്‍ ചാമ്പ്യന്‍ഷിപ്പില്‍ കേരളത്തിന്റെ പുരുഷ ടീമിന് തിളങ്ങുന്ന ജയം. ഒന്നിനെതിരെ
മൂന്നു സെറ്റുകള്‍ക്കാണ് കേരളത്തിന്റെ വിജയം. 2016ല്‍ ചെന്നൈയില്‍ നടന്ന ചാംപ്യന്‍ഷിപ്പിന്റെ കലാശപ്പോരില്‍ ഇതേ എതിരാളികളെ വീഴ്ത്തി സ്വന്തമാക്കിയ കിരീടമാണ് കോഴിക്കോട് വെച്ച് കേരള പുരുഷന്‍മാര്‍ നിലനിര്‍ത്തിയത്.
ദേശീയ സീനിയര്‍ വോളിബോളില്‍ കേരള പുരുഷ ടീമിന്റെ ആറാം കിരീടമാണിത്. സ്‌കോര്‍: 24-26, 25-23, 25-19, 25-21. നേരത്തേ റെയില്‍വേസുമായി നടന്ന വനിതകളുടെ ഫൈനലില്‍ കേരളം പൊരുതി തോറ്റിരുന്നു.
സെമിയില്‍ തമിഴ്‌നാടിനെ തോല്‍പ്പിച്ചാണ് കേരളം ഫൈനലില്‍ കടന്നത്. നേരിട്ടുള്ള സെറ്റുകള്‍ക്കായിരുന്നു കേരളത്തിന്റെ വിജയം. സ്‌കോര്‍: 25- 22, 30-28, 25-22. ക്യാപ്റ്റന്‍ ജെറോം വിനീതിന്റെയും അജിത് ലാലിന്റെയും തകര്‍പ്പന്‍ പ്രകടനമാണ് സെമിയില്‍ തമിഴ്‌നാടിനെ മറികടക്കാന്‍ കേരളത്തിന് തുണയായത്. അതേസമയം, സര്‍വീസസിനെ വീഴ്ത്തിയാണ് റെയില്‍വേയുടെ ഫൈനല്‍ പ്രവേശനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
