മുംബൈ: കശ്മീര് വിഷയത്തിലും പ്രധാനമന്ത്രി നരേന്ദ്ര മോദിക്കും എതിരെ പരാമര്ശം നടത്തിയ പാകിസ്ഥാന് മുന് നായകന് ഷാഹീദ് അഫ്രീദിയെ വിമര്ശിച്ച് ഇന്ത്യന് ക്രിക്കറ്റ് താരം സുരേഷ് റെയ്നയും രംഗത്ത്. മുന് താരങ്ങളായ ഗൗതം ഗംഭീര്, ഹര്ഭജന് സിങ്, യുവരാജ് സിങ് എന്നിവര്ക്ക് പിന്നാലെയാണ് രൂക്ഷമായ ഭാഷയില് സുരേഷ് റെയ്നയും അഫ്രീദിയെ വിമര്ശിച്ചത്. ട്വിറ്ററിലിട്ട കുറിപ്പിലൂടെയാണ് റെയ്നയുടെ വിമര്ശനം.
'കശ്മീരിനെ വെറുതെ വിടു. പരാജയപ്പെട്ട നിങ്ങളുടെ രാജ്യത്തിനായി എന്തെങ്കിലും ചെയ്യു. ഞാന് അഭിമാനിയായ ഒരു കശ്മീരിയാണ്, അത് എല്ലായ്പ്പോഴും ഇന്ത്യയുടെ ഒഴിച്ചുകൂടാനാവാത്ത ഭാഗമായി തുടരും'- റെയ്ന കുറിച്ചു.
കശ്മീരികളുടെ യാതന മനസിലാക്കാന് മത വിശ്വാസം വേണ്ടെന്ന് പറഞ്ഞായിരുന്നു അഫ്രീദി കശ്മീര് വിഷയം വീണ്ടും ഉയര്ത്തിയത്. ശരിയായ ഇടത്തില് ശരിയായ ഹൃദയമുണ്ടായാല് മതിയെന്നായിരുന്നു അഫ്രീദിയുടെ വാക്കുകള്. ഇന്ന് ഈ ലോകം ഒരു വലിയ രോഗത്തിന്റെ പിടിയിലാണ്. പക്ഷേ, അതിലും വലിയ രോഗം മോദിയുടെ മനസിലാണ്. പാക്കിസ്ഥാന്റെ ആകെ സൈനിക ബലമായ ഏഴ് ലക്ഷം സൈനികരെയാണ് മോദി കശ്മീരില് വിന്യസിച്ചിരിക്കുന്നതെന്നും അഫ്രീദി പറഞ്ഞിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
