ബാറ്റിങ്ങില്‍ നിര്‍ദേശങ്ങള്‍ നല്‍കിയതിന് പാക് താരം യൂനുസ് ഖാന്റെ ഭാഗത്ത് നിന്നുണ്ടായ കടുത്ത പ്രതികരണത്തെ കുറിച്ച് വെളിപ്പെടുത്തുകയാണ് പാകിസ്ഥാന് മുന്‍ ബാറ്റിങ് കോച്ച് ഗ്രാന്റ് ഫ്‌ളവര്‍. യൂനസ് ഖാന് തന്റെ കഴുത്തില്‍ കത്തി വെച്ചെന്നാണ് ഗ്രാന്റ് ഫ്‌ളവര്‍ പറയുന്നത്.
ബ്രിസ്‌ബെയ്‌നില്‍ വെച്ചാണ് സംഭവം. ടെസ്റ്റിന് ഇടയില്‍, പ്രഭാതഭക്ഷണത്തിന്റെ സമയത്ത്, ഞാന്‍ ബാറ്റിങ്ങില്‍ ചില ഉപദേശങ്ങള്‍ യൂനുസ് ഖാന് നല്‍കി. എന്നാല്‍ അത് മയത്തിലല്ല യൂനുസ് ഖാന് എടുത്തത്. എന്റെ കഴുത്തില്‍ കച്ചിവെച്ചു. മുഖ്യ പരിശീലകന്‍ ആര്‍തര്‍ ഈ സമയം അടുത്തുണ്ടായി. യൂനുസിനെ പിന്തിരിപ്പിക്കാന്‍ അദ്ദേഹത്തിന് ഇടപെടേണ്ടി വന്നതായും ഫഌവര്‍ പറഞ്ഞു.
അതും പരിശീലനത്തിന്റെ ഭാഗമാണ്. ഈ ജോലിയെ അത്രയും പ്രയാസകരമാക്കുന്നത് അതാണ്. ഞാനത് വല്ലാതെ ആസ്വദിച്ചു. എനിക്കിനിയും ഒരുപാട് പഠിക്കാനുണ്ട്. എന്നാല്‍ ഇപ്പോള്‍ ഞാന്‍ എത്തി നില്‍ക്കുന്ന പൊസിഷന്‍ ഭാഗ്യമായി കരുതുന്നതായും ഫഌവര്‍ പറഞ്ഞു.
യൂനുസ് ഖാനാണ് പാകിസ്ഥാന്റെ പുതിയ ബാറ്റിങ് കോച്ച്. മുഷ്താഖ് അഹ്മദ് സ്പിന്‍ ബൗളിങ് കോച്ചും. ഇംഗ്ലണ്ട് പര്യടനം മുതല്‍ ഇവര്‍ ടീമിനൊപ്പമുണ്ടാവും. ടെസ്റ്റ് ക്രിക്കറ്റില്‍ പാകിസ്ഥാന് വേണ്ടി പതിനായിരം റണ്‍സ് പിന്നിട്ട താരമായ യൂനുസ് ഖാന് 2017ലാണ് വിരമിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
