സൗത്ത് ആഫ്രിക്കയുടെ ലോകകപ്പ് ടീമിലെ ഡിവില്ലിയേഴ്‌സിന്റെ സ്ഥാനം സംബന്ധിച്ച വിവാദങ്ങള്‍ കെട്ടടങ്ങി വരുന്നതേയുള്ളു. ലോകകപ്പ് ടീമില്‍ ഡിവില്ലിയേഴ്‌സ് ഉള്‍പ്പെട്ടിരുന്നു എങ്കില്‍ സൗത്ത് ആഫ്രിക്കയുടെ ലോകകപ്പ് പ്രകടനം ഇങ്ങനെയായിരിക്കില്ല എന്ന വാദമാണ് ആരാധകര്‍ ഉയര്‍ത്തുന്നത്. ആരാധകരുടെ ആ വാദങ്ങള്‍ ശരിവെച്ചാണ് ഇംഗ്ലണ്ടിലെ ട്വന്റി20 ലീഗില്‍ ഡിവില്ലിയേഴ്‌സ് തകര്‍പ്പന്‍ പ്രകടനം വരുന്നത്‌.
43 പന്തില്‍ നിന്ന് 88 റണ്‍സാണ് ഇംഗ്ലണ്ട് ട്വന്റി20 ലീഗില്‍ മിഡില്‍സെക്‌സിന് വേണ്ടി ഡിവില്ലിയേഴ്‌സ് അടിച്ചെടുത്തത്. അടിച്ചു പറത്തിയത് ആറ് സിക്‌സും അഞ്ച് ഫോറും. ഡിവില്ലിയേഴ്‌സ് നിറഞ്ഞാടിയപ്പോള്‍ മൂന്ന് ഓവര്‍ ശേഷിക്കെ മിഡില്‍സെക്‌സ് ടീം ജയം പിടിച്ചു. ലീഗിലെ അരങ്ങേറ്റ മത്സരത്തിലാണ് തകര്‍പ്പന്‍ ബാറ്റിങ്ങിലൂടെ ഡിവില്ലിയേഴ്‌സ് ആരാധകരെ ഞെട്ടിച്ചത്.
ബാറ്റിങ്ങില്‍ തകര്‍ത്ത് കളിക്കുന്നതിന് മുന്‍പ്, ഫീല്‍ഡിങ്ങില്‍ റിലേ ക്യാച്ച് എടുത്തും ഡിവില്ലിയേഴ്‌സ് ആരാധകരെ ഞെട്ടിച്ചിരുന്നു. ബൗണ്ടറി ലൈനിന് തൊട്ടടുത്ത് വെച്ച് ക്യാച്ചെടുത്തതിന് ശേഷം ഡിവില്ലിയേഴ്‌സ് പന്ത് തൊട്ടടുത്ത് നിന്ന സഹതാരത്തിന്റെ കൈകളിലേക്ക് എറിഞ്ഞ് നല്‍കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
