വെല്ലിങ്ടണ്‍: ക്രിക്കറ്റിലെ മൂന്ന് ഫോര്‍മാറ്റിലും നിലവില്‍ മികച്ചത് ആരെന്ന ചോദ്യത്തിന് ഉത്തരം നല്‍കാന്‍ കിവീസ് നായകന് മറുത്തൊന്ന് ആലോചിക്കേണ്ടി വരുന്നില്ല. കോഹ് ലി എന്ന് സംശയമേതുമില്ലാതെ വില്യംസണ്‍ മറുപടി നല്‍കുന്നു.
എല്ലാ ഫോര്‍മാറ്റിലും കോഹ് ലിയാണ് മികച്ചത് എന്ന് സംശയമേതുമില്ലാതെ പറയാം. ഏറെ ആരാധനയോടെയാണ് വിരാട് കോഹ് ലിയെ കാണുന്നത്. അണ്ടര്‍ 19 മുതല്‍ ഞങ്ങള്‍ക്ക് പരസ്പരം അറിയാം. ബാറ്റിങ് മികവ് കൊണ്ട് പുതിയ അളവുകോലുകള്‍ സ്ഥാപിച്ച വ്യക്തിയാണ് കോഹ് ലി, വില്യംസണ്‍ പറഞ്ഞു.
രാജ്യാന്തര ക്രിക്കറ്റിലും ഐപിഎല്ലിലും നിരവധി വട്ടം ഞങ്ങള്‍ പരസ്പരം മത്സരിച്ചു. വ്യത്യസ്തമായ ശൈലിയാണ് ഞങ്ങളുടേത് എങ്കില്‍ പോലും കോഹ് ലിയുമായി സംസാരിക്കുന്നതും ആശയങ്ങള്‍ ചര്‍ച്ച ചെയ്യുന്നതും പ്രചോദനം നല്‍കുന്നതാണ്, വില്യംസണ്‍ പറഞ്ഞു.
മികച്ച ടീമാണ് ഇന്ത്യയുടേത്. ലോക ടെസ്റ്റ് ചാമ്പ്യന്‍ഷിപ്പില്‍ അവര്‍ മുന്നിട്ട് നില്‍ക്കുന്നു. മികച്ച ബാറ്റ്‌സ്മാന്മാരും ലോകോത്തര ബൗളര്‍മാരും ടീമിലുള്ളതാണ് അവരുടെ ഈ കുതിപ്പിന് പിന്നിലുള്ളതെന്നും വില്യംസണ്‍ ചൂണ്ടിക്കാണിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
