ബാഴ്‌സയ്ക്ക് നിരവധി വട്ടം തലവേദന തീര്‍ത്ത ടീമായിരുന്നു റയല്‍ സൊസൈഡാഡ്‌. എന്നാല്‍ ഇത്തവണ ബാഴ്‌സ അത്തരമൊരു തലവേദനയ്ക്ക് അവസരം കൊടുത്തില്ല. സുവാരസിന്റേയും ഔസ്മാനേയുടേയും ഗോളില്‍ ബാഴ്‌സ ജയം പിടിച്ചു. എന്നാല്‍ കുട്ടിഞ്ഞോയുടെ വരവാണ് ബാഴ്‌സയുടെ കളി മാറ്റിയത് എന്നാണ് സുവാരസ് പറയുന്നത്.
കളിയുടെ താളം തന്നെ മാറ്റിയത് കുട്ടിഞ്ഞോയാണ്. 12ാം മിനിറ്റില്‍ തന്നെ ഗോള്‍ വല കുലുക്കി സോസൈഡാഡ് നയം വ്യക്തമാക്കി. എന്നാല്‍ കുട്ടിഞ്ഞോയെ നെല്‍സന്‍ സെമെഡോവിന് പകരക്കാരനായി ഇറക്കിയതോടെ അത് വലിയ മാറ്റം തീര്‍ത്തുവെന്ന് സുവാരസ് ചൂണ്ടിക്കാണിക്കുന്നു.
രണ്ടാം പകുതിയില്‍ ആദ്യ പകുതി പോലെ തന്നെ കളിക്കണം എന്നതായിരുന്നു ഞങ്ങളുടെ ലക്ഷ്യം. ബോള്‍ കൈവശം വെച്ച്, സ്‌പേസ് കണ്ടെത്തി, ഒപ്പം എതിരാളികളെ പൂട്ടിയെന്ന് ഉറപ്പുവരുത്തി കകളിക്കാനാണ് ശ്രമിച്ചത്. കുട്ടിഞ്ഞോ വന്നു, നന്നായി കളിച്ചു.
ടീമിന്റെ തന്നെ താളം കുട്ടിഞ്ഞോ മാറ്റി. എട്ട് ഒന്‍പത് വര്‍ഷം മുന്‍പ് ഇവിടെ മത്സരങ്ങള്‍ നമുക്ക ജയിക്കാന്‍ കഴിഞ്ഞിരുന്നില്ല. എന്നാല്‍ ഈ ജയങ്ങള്‍ ആ ത്മവിശ്വാസം നല്‍കുന്നതാണെന്നും കുട്ടിഞ്ഞോ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
