ബാഴ്‌സ-റയല്‍ പോരില്‍ ആവേശമെല്ലാം നിറഞ്ഞത് ലോകത്തെ ഏറ്റവും മികച്ച രണ്ട് താരങ്ങള്‍ ഇരു ചേരിയിലുമായി എത്തിയതോടെയാണ്. എന്നാല്‍ വലിയൊരു ട്വിസ്റ്റ് ഇവിടെയുണ്ടാവുമായിരുന്നു. സ്‌പോര്‍ട്ടിങ് ലിസ്ബനില്‍ നിന്ന് ബാഴ്‌സയിലേക്കാണ് ക്രിസ്റ്റിയാനോ എത്തിയിരുന്നതെങ്കിലോ? അതല്ലെങ്കില്‍ 2009ല്‍ മാഞ്ചസ്റ്റര്‍ യുനൈറ്റഡില്‍ നിന്ന് റയല്‍ മാഡ്രിഡിലേക്ക് ചേക്കേറുന്നതിന് പകരം ബാഴ്‌സലോണയെ ക്രിസ്റ്റിയാനോ തെരഞ്ഞെടുത്തിരുന്നെങ്കിലോ?
2009ല്‍ ക്രിസ്റ്റിയാനോ മാഞ്ചസ്റ്റര്‍ യുനൈറ്റഡ് വിടുമ്പോള്‍ സര്‍ അലക്‌സ് ഫെര്‍ഗൂസന്റെ താത്പര്യം താരം ബാഴ്‌സലോണയില്‍ ചേരുന്നതിലായിരുന്നു. റയല്‍ മുന്‍ പ്രസിഡന്റ് റോമന്‍ കാല്‍ഡെറോന്‍ ആണ് ഇക്കാര്യം വെളിപ്പെടുത്തുന്നത്. റയല്‍ മാഡ്രിഡിലേക്ക് പോവാതിരിക്കാന്‍ ക്രിസ്റ്റിയാനോയില്‍ ഫെര്‍ഗൂസന്‍ കഴിയുന്നിടത്തോളം സ്വാധീനം ചെലുത്തിയതായി റോമന്‍ കാല്‍ഡെറോന്‍ പറയുന്നു.
ഫെര്‍ഗൂസന്റെ താത്പര്യം പോലെ ബാഴ്‌സയിലേക്ക് ക്രിസ്റ്റിയാനോ എത്തിയിരുന്നെങ്കില്‍ ലോക ഫുട്‌ബോളിലെ രണ്ട് താരങ്ങള്‍ ഒരുമിച്ച് കളിക്കുന്നത് ആരാധകര്‍ക്ക് കാണാനിടയായാനെ. എന്നാല്‍ റയലിലാണ് താത്പര്യം എന്ന് ക്രിസ്റ്റ്യാനോ ഉറപ്പിച്ചതോടെ റെക്കോര്‍ഡ് തുകയ്ക്ക് ബെര്‍നാബ്യൂവിലേക്ക് 2009ല്‍ ക്രിസ്റ്റിയാനോ എത്തി.
2003ലും ബാഴ്‌സയുടെ മുന്‍പിലേക്ക് ക്രിസ്റ്റ്യാനോ എത്തിയിരുന്നു. എന്നാല്‍ ആ സമയം ക്രിസ്റ്റിയാനോക്ക് വേണ്ടി പണം മുടക്കാന്‍ ബാഴ്‌സ തയ്യാറായില്ല. ആ സമയം മാഞ്ചസ്റ്റര്‍ യുനൈറ്റഡ് 19 മില്യണ്‍ യൂറോയാണ് ക്രിസ്റ്റിയാനോയ്ക്ക് മുന്‍പില്‍ വെച്ചത്. ബാഴ്‌സ ഓഫര്‍ ചെയ്തത് 17 മില്യണ്‍ യൂറോയും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
