റാഞ്ചി: ഒരു ദശകത്തോളം കോഹ് ലി തന്റെ പേരില്‍ ചേര്‍ത്തു വെച്ചിരുന്ന റെക്കോര്‍ഡ് യുവതാരം ശുഭ്മാന്‍ ഗില്‍ തന്റെ പേരിലാക്കി. ദേവ്ധര്‍ ട്രോഫിയിലാണ് 2009-10 സീസണില്‍ കോഹ് ലി തന്റെ പേരിലാക്കിയ റെക്കോര്‍ഡ് ഗില്‍ മറികടന്നത്.
ദേവ്ധര്‍ ട്രോഫി ഫൈനലിലേക്ക് തന്റെ ടീമിനെ നയിച്ച് എത്തിക്കുന്ന പ്രായം കുറഞ്ഞ നായകന്‍ എന്ന നേട്ടമാണ് കോഹ് ലിയെ പിന്തള്ളി ഗില്‍ സ്വന്തമാക്കിയത്. 10 വര്‍ഷം മുന്‍പ് പ്രായം 21ല്‍ നില്‍ക്കുമ്പോള്‍ നോര്‍ത്ത് സോണിനെ ദേവ്ധര്‍ ട്രോഫി ഫൈനലിലേക്ക് കോഹ് ലി എത്തിച്ചിരുന്നു.
ഇന്ത്യ സി ദേവ്ധര്‍ ട്രോഫി ഫൈനലിലേക്ക് എത്തുമ്പോള്‍ ക്യാപ്റ്റനായ ഗില്ലിന്റെ പ്രായം 20 വര്‍ഷവും 57 ദിവസവും. ഉന്‍മുക്ത് ചന്ദ് ആണ് ലിസ്റ്റില്‍ മൂന്നാമത്. 2015 ദേവ്ധര്‍ ട്രോഫിയില്‍ ഇന്ത്യ ബിയെ ഉന്‍മുക്ത് ചന്ദ് ഫൈനലില്‍ എത്തുമ്പോള്‍ 22 വര്‍ഷവും 310 ദിവസവുമായിരുന്നു താരത്തിന്റെ പ്രായം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
