മരണത്തിന് കീഴടങ്ങിയ മലയാളി ആരാധകന് ആദരാഞ്ജലിയര്‍പ്പിച്ച് ഇറ്റാലിയന്‍ ക്ലബ്; എന്നും ഞങ്ങള്‍ക്കൊപ്പമെന്ന് എ എസ് റോമ

റോം: വാഹനാപകടത്തില്‍ മരിച്ച മലയാളി ആരാധകന് ആദരാഞ്ജലിയര്‍പ്പിച്ച് ഇറ്റാലിയന്‍ ക്ലബ് എ എസ് റോമ. നിക്കോളാസ് കണ്ടത്തിപ്പറമ്പിലിനാണ് റോണ ഫുട്‌ബോള്‍ ക്ലബ് ട്വിറ്ററിലൂടെ ആദരാഞ്ജലിയര്‍പ്പിച്ചത്. 

റോമില്‍ വെച്ചുണ്ടായ കാറപകടത്തിലാണ് നിക്കോളാസ് മരിച്ചത്. എറണാകുളം സ്വദേശിയായ നിക്കോളാസിന്റെ അച്ഛന്‍, കോട്ടയം സ്വദേശിയാണ് അമ്മ. റോമിലാണ് നിക്കോളാസ് ജനിച്ചു വളര്‍ന്നത്. നെതര്‍ലാന്‍ഡ്‌സില്‍ സ്‌പോര്‍ട്ട് മാനേജ്‌മെന്റ് വിദ്യാര്‍ഥിയായിരുന്ന നിക്കോളാസ് അവധിക്ക് റോമില്‍ എത്തിയപ്പോഴാണ് വാഹനാപകടത്തില്‍പ്പെട്ടത്.