ന്യൂഡല്‍ഹി: വര്‍ണവെറി എന്ന വിപത്തിനെതിരെ സമൂഹം ഒന്നടങ്കം പ്രതികരിക്കാത്തിടത്തോളം കായിക ലോകത്ത് വംശീയ അധിക്ഷേപത്തിനെതിരെ എന്ത് നിയമം കൊണ്ടുവന്നിട്ടും കാര്യമില്ലെന്ന് വിന്‍ഡിസ് ക്രിക്കറ്റ് താരം മൈക്കല്‍ ഹോള്ഡിങ്. സമൂഹം ഒറ്റക്കെട്ടായി ഇതിനെ എതിര്‍ക്കാത്തിടത്തോളം ക്രിക്കറ്റിലെ വര്‍ണവെറിക്കെതിരായ നിയമങ്ങള്‍ മുറിവില്‍ പ്ലാസ്റ്ററിടുന്നത് പോലെയാണെന്ന് ഹോള്ഡിങ് പറഞ്ഞു.
നിങ്ങള്‍ വര്‍ണ വെറിക്ക് ഇരയാവും. ക്രിക്കറ്റ് മൈതാനത്തും, ഫുട്‌ബോള്‍ മൈതാനത്തുമെല്ലാം ആളുകള്‍ അലറി വിളിച്ചും. വര്‍ണ വെറി ഇല്ലാതെയാക്കാന്‍ സമൂഹത്തെയാണ് നേരിടേണ്ടത്. ഈ സമൂഹത്തില്‍ ഉള്‍പ്പെട്ടവരാണ് മൈതാനങ്ങളില്‍ പോയി വര്‍ണ വെറി നിറഞ്ഞ മുദ്രാവാക്യങ്ങള്‍ ഉയര്‍ത്തുന്നതും അധിക്ഷേപിക്കുന്നതും...
ഇത്തരത്തിലുള്ള കാര്യങ്ങള്‍ സമൂഹത്തില്‍ വെച്ച് തന്നെ ഇല്ലാതാക്കാന്‍ കഴിയണം. ഇതുപോലുള്ള വിവേചനങ്ങള്‍ അംഗീകരിക്കാനാവില്ലെന്ന തിരിച്ചറിവ് സമൂഹത്തിനുണ്ടാവണം. സമൂഹത്തില്‍ വെച്ച് തന്നെ ഇതിനെ നേരിട്ടാല്‍ കായിക ലോകത്തും അത് കാണില്ല. കളിക്കളത്തില്‍ വര്‍ണ വെറി തടയുന്നതിനുള്ള നിയമങ്ങള്‍ മുറിവില്‍ പ്ലാസ്റ്റര്‍ ഇടുന്നത് പോലെയാണെന്നും ഹോള്ഡിങ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
