ലോകകപ്പിന് ശേഷം ടീമില്‍ നിന്ന് മാറി നില്‍ക്കേണ്ടി വന്ന മുന്‍ നായകന്‍ സര്‍ഫ്രാസ് ഇംഗ്ലണ്ട് പര്യടനത്തിനുള്ള ടീമില്‍ ഉള്‍പ്പെട്ടിരുന്നു. എന്നാല്‍ ബെഞ്ചിലിരിക്കാന്‍ മാത്രമാണായത്. ഈ സമയം സര്‍ഫ്രാസിനെ ട്രോളി എത്തുകയാണ് ആരാധകര്‍.
ടെസ്റ്റ് പരമ്പര 1-0ന് പാകിസ്ഥാന് നഷ്ടമായതിന് പിന്നാലെ ട്വന്റി20 പരമ്പരയില്‍ 1-0ന് പിന്നില്‍ നില്‍ക്കുകയാണ് സന്ദര്‍ശകര്‍. പാക് കളിക്കാര്‍ പൊരുതി നില്‍ക്കാന്‍ തയ്യാറാവാതെ വീഴുമ്പോഴും സര്‍ഫ്രാസിന് ടീമില്‍ അവസരം ലഭിച്ചില്ല. ബൗണ്ടറി ലൈനിന് പുറത്തിരുന്ന് കളി കണ്ട് സര്‍ഫ്രാസ് സമയം കളയുന്നതിന് ഇടയില്‍ ക്യാമറ കണ്ണുകള്‍ സര്‍ഫ്രാസില്‍ ഉടക്കി. ഇതോടെ മൂന്ന് ഫോര്‍മാറ്റിലും കോട്ടുവായിടുന്ന ആദ്യ ക്രിക്കറ്റ് താരമായി സര്‍ഫ്രാസ് എന്നാണ് ആരാധകര്‍ പറയുന്നത്.
പ്ലേയിങ് ഇലവനില്‍ ഭാഗമാവുന്നില്ലെങ്കിലും സര്‍ഫ്രാസ് ആരാധകര്‍ക്കിടയില്‍ ചര്‍ച്ചാ വിഷയം ആയിക്കൊണ്ടിരിക്കുകയാണ്. നേരത്തെ, കളിക്കാര്‍ക്ക് ഡ്രിങ്ക്‌സുമായി സര്‍ഫ്രാസിനെ അയച്ചത് വിവാദമായിരുന്നു. മുന്‍ നായകനോട് ഈ വിധം പെരുമാറരുത് എന്ന് കാണിച്ചായിരുന്നു വിമര്‍ശനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
