ചാമ്പ്യന്‍സ് ലീഗിലെ തന്റെ എട്ടാം ഹാട്രിക് നേടി പുതിയ സീസണില്‍ തകര്‍ത്തു തുടങ്ങുകയാണ് ലയണല്‍ മെസി. എന്നാല്‍ ലാലീഗയില്‍ ജിറോണയ്‌ക്കെതിരെ ഇറങ്ങുന്നതിന് മുന്‍പ് മെസി ഒരു മാറ്റം വരുത്തി. ലുക്ക് ഒന്ന് മാറ്റിയാണ് ലാലിഗയിലെ ജിറോണയ്‌ക്കെതിരായ മത്സരത്തില്‍ മെസി ഇറങ്ങാന്‍ പോകുന്നത്.
ബാഴ്‌സയാണ് തങ്ങളുടെ നായകന്റെ പുതിയ രൂപം പുറത്തുവിട്ടത്. ഏറെ നാളായി ഒപ്പമുണ്ടായിരുന്ന താടിയോട് മെസി വിടപറഞ്ഞിരിക്കുകയാണ്. എന്നാല്‍ രാജ്യാന്തര കിരീടം സ്വന്തമാക്കിയതിന് ശേഷമെ താടി കളയൂ എന്ന് മെസി ആരാധകര്‍ക്ക് വാഗ്ദാനം നല്‍കിയിരുന്നു എന്ന വാദവുമായിട്ടാണ് ഒരു കൂട്ടര്‍ എത്തുന്നത്.
ബാഴ്‌സ നായകന്‍ താടി കളഞ്ഞതോടെ വാഗ്ദാന ലംഘനം നടത്തിയിരിക്കുന്നു എന്നാണ് ഇവരുടെ ആരോപണം. എന്നാല്‍ 2016ലെ കോപ്പാ അമേരിക്ക കിരീട സമയത്താണ് മെസി ഇത്തരമൊരു കാര്യം പറഞ്ഞതെന്ന മറുപടിയുമായി മറ്റൊരു വിഭാഗം ആരാധകരും രംഗത്തുണ്ട്.
സീസണില്‍ ഇതുവരെ ഏഴ് ഗോളുകളാണ് മെസി വലയിലാക്കിയത്. ജിറോണയ്‌ക്കെതിരായ കളിക്ക് ഒരുങ്ങുകയാണ് ബാഴ്‌സ ഇപ്പോള്‍. ഫെബ്രുവരിയിലായിരുന്നു ഒടുവില്‍ ബാഴ്‌സ ജിറോണയ്‌ക്കെതിരെ വന്നത്. അന്ന് ഒന്നിനെതിരെ ആറ് ഗോളുകള്‍ക്കായിരുന്നു ബാഴ്‌സയുടെ ജയം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
