പരിക്ക് വില്ലനായപ്പോള് ഇന്റര്മിലാനെതിരായ കളി ഗ്യാലറിയില് ഇരുന്നു കാണേണ്ടി വന്നു ബാഴ്സയുടെ സൂപ്പര് താരത്തിന്. ഒപ്പം മൂത്തമകന് തിയാഗോയും. ഇരുവരും കളി ആസ്വദിക്കുന്ന ഫോട്ടോകള് പുറത്തു വന്നതിന് പിന്നാലെ തിയാഗോ ക്രിസ്റ്റിയാനോയുടെ ആരാധകനാണോ എന്നാണ് ആരാധകരുടെ ചോദ്യം.
ക്രിസ്റ്റ്യാനോ ജൂനിയര് മെസിയുടെ ആരാധകനാണെന്ന് ക്രിസ്റ്റിയാനോ തന്നെ തുറന്നു പറഞ്ഞിട്ടുണ്ട്. പക്ഷേ മെസി തന്റ മക്കളുടെ ഇഷ്ടം അങ്ങിനെ പരസ്യമാക്കിയില്ല. എന്നാല് ഒരു ഫോട്ടോയില് നിന്നും തിയാഗോയുടെ ഇഷ്ടം ചോര്ത്തിയെടുക്കുകയാണ് ആരാധകര്. തിയാഗോയ്ക്ക് ഇഷ്ടം ക്രിസ്റ്റിയാനോയോടാണ് എന്നാണ് ആരാധകരുടെ കണ്ടുപിടുത്തം.
മെസിക്കൊപ്പം ഇരുന്ന് ബാഴ്സയുടെ കളി കാണുന്നതിന് ഇടയില് തിയാഗോ വരച്ച് ചിത്രമാണ് ആരാധകരെ ഈ നിഗമനത്തിലേക്ക് എത്തിച്ചത്. യുവന്റ്സിന്റെ ലോഗോയാണ് തിയാഗോ വരച്ചത് എന്നാണ് ആരാധകര് പറയുന്നത്. കളി കാണുന്നതിനിടെ ചിത്രം വരച്ച് മെസിയെ അതെല്ലാം തിയാഗോ കാണിക്കുന്ന വീഡിയോ ഇന്റര്നെറ്റില് വൈറലായി കഴിഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
