റിയോ ഡി ജനീറോ: അര്ജന്റീന നായകനും ബാഴ്സലോണ സൂപ്പര് താരവുമായ ലയണല് മെസിയെ ബ്രസീലിയന് ഇതിഹാസം പെലെയുമായി താരതമ്യം ചെയ്യുന്നതിനെ ചോദ്യം ചെയ്ത് ബ്രസീല് പരിശീലകന് ടിറ്റെ. പെലെ- മെസി താരതമ്യം ഒരിക്കലും ചെയ്യാന് പാടില്ലെന്ന് ടിറ്റെ പറയുന്നു.
താരതമ്യം ചെയ്യാന് പോലും സാധിക്കാത്ത അത്രയും മുകളിലാണ് പെലെയുടെ സ്ഥാനം. ആരെങ്കിലും പെലെയെ ആരുമായെങ്കിലും താരതമ്യം ചെയ്യുന്നത് ശ്രദ്ധിക്കാറില്ല. പെലെയുടെ മികവിന്റെ ചരിത്രം അറിയാത്തവരാണ് ഇത്തരം താരതമ്യങ്ങള്ക്ക് ഒരുങ്ങുന്നതെന്നും ടിറ്റെ വ്യക്തമാക്കി.
നിലവില് മെസി മികച്ച താരമാണ്. പക്ഷെ പെലെ വേറെ തലത്തിലുള്ള താരമാണ്. ഇത് താന് ബ്രസീലിയന് ആയതു കൊണ്ട് പറയുന്നതല്ല. പെലെയില് ഒരു കുറവ് പോലും കണ്ടെത്താന് സാധിക്കില്ല. അതുകൊണ്ടു തന്നെ മെസിയടക്കമുള്ള
താരങ്ങളെ പെലെയുമായി താരതമ്യം ചെയ്യുന്നതില് യാതൊരു അടിസ്ഥാനവുമില്ലെന്നും ടിറ്റെ കൂട്ടിച്ചേര്ത്തു.
കഴിഞ്ഞ ദിവസം നടന്ന അര്ജന്റീന- ബ്രസീല് പോരാട്ടത്തിനിടെ മെസിയും ടിറ്റെയും തമ്മില് കൊമ്പു കോര്ത്തിരുന്നു. ചുണ്ടില് വിരല് ചേര്ത്ത് മെസി ഡഗൗട്ടിലുള്ള ടിറ്റെയോട് നിശബ്ദനാകാന് ആവശ്യപ്പെട്ടിരുന്നു. തിരിച്ച് ടിറ്റെയും സമാനമായി തന്നെ പ്രതികരിച്ചിരുന്നു. ഇതിന് പിന്നാലെയാണ് പെലെയുമായി മെസിയെ താരതമ്യം ചെയ്യുന്നതിനെ വിമര്ശിച്ച് ടിറ്റെ ഇപ്പോള് രംഗത്തെത്തിയിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
