മാഞ്ചസ്റ്റര്: അലക്സ് ഫെര്ഗ്യൂസണ് ശേഷം തുടങ്ങിയതാണ് മാഞ്ചസ്റ്റര് യുണൈറ്റഡിന്റെ ശനിദശ. ഡേവിഡ് മോയസില് തുടങ്ങി ലൂയിസ് വാന്ഗാലിലൂടെ ഇപ്പോള് ജോസ് മൊറീഞ്ഞോയിലെത്തിയിരിക്കുന്നു. എന്നാല് ടീമിന് വല്ല മാറ്റവുമുണ്ടോ. അതുമില്ല. പറയുമ്പോള് ലോകത്തിലെ ഏറ്റവും വലിയ ട്രാന്സ്ഫര് തുകയ്ക്ക് ഫ്രഞ്ച് മിഡ്ഫീല്ഡര് പോള് പോഗ്ബയെ ഇറ്റാലിയന് ക്ലബ്ബ് യുവന്റസില് നിന്നും ടീമിലെത്തിച്ചിട്ടൊക്കെയുണ്ട്.
ഇംഗ്ലീഷ് പ്രീമിയര് ലീഗില് 29 കളികളില് നിന്ന് 54 പോയിന്റുമായി ആറാം സ്ഥാനത്താണ് ടീം. ലോകത്തിലെ ഏറ്റവും കൂടുതല് ആരാധകരുള്ള മാഞ്ചസ്റ്റര് യുണൈറ്റഡിന്റെ ഈ പതനത്തിന് കാരണം കളിക്കാര്ക്ക് ഗോളുകള് അടിക്കുന്നതിനോട് വലിയ താല്പ്പര്യമില്ലാത്തതാണ് കാരണമെന്നാണ് മൊറീഞ്ഞോയുടെ പുതിയ കണ്ടെത്തല്.
ഈ സീസണില് യുണൈറ്റഡ് നിരയില് 27 ഗോളുകളുമായി സ്ലാട്ടന് ഇബ്രഹാമോവിച്ചാണ് മുന്നില് നില്ക്കുന്നത്. ഇതില് 16 ഗോളുകളാണ് പ്രീമിയര് ലീഗില് ഇബ്രയുടെ നേട്ടം. ബാക്കിയുള്ള ടീമില് ഒറ്റ കളിക്കാരുടെയും ഗോള് നേട്ടം ഇതുവരെ രണ്ടക്കം കടന്നിട്ടില്ല. സൂപ്പര് താരങ്ങളായ യുവാന് മാട്ട ആറ്, പോള് പോഗ്ബ നാല്, ആന്തണി മാര്ഷ്യാല്, മാര്ക്കസ് റാഷ്ഫോര്ഡ്, ഹെന്റിക്ക് മിഖ്താറിയാന് എന്നിവര് മൂന്ന് വീതം ഗോളുകളുമാണ് ഇതുവരെ നേടിയിരിക്കുന്നത്.
20 കളികള് തോല്വി അറിയാതെയാണ് യുണൈറ്റഡ് മുന്നോട്ട് പോകുന്നതെങ്കിലും ഇതില് പത്തിലും സമനിലയായിരുന്നു. മികച്ച കളിക്കാരാണെങ്കിലും ഗോളുകള് കണ്ടെത്താന് വിഷമിക്കുന്നതാണ് ടീമിന് നേരിടുന്ന ഏറ്റവും വലിയ പ്രതിസന്ധിയെന്നും മൊറീഞ്ഞോ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
