കൊല്‍ക്കത്ത ഡെര്‍ബിക്കിടയില്‍ ഗ്യാലറിയില്‍ ദേശിയ പൗരത്വ നിയമത്തിനെതിരായ പ്രതിഷേധം. ഈസ്റ്റ് ബംഗാളിനെ ഒന്നിനെതിരെ രണ്ട് ഗോളുകള്‍ക്ക് മോഹന്‍ ബഗാന്‍ തകര്‍ത്ത കൊല്‍ക്കത്ത ഡെര്‍ബിക്കിടയില്‍ പൗരത്വ നിയമത്തെ എതിര്‍ക്കുന്ന ബാനറുകള്‍ ഗ്യാലറിയില്‍ ഉയര്‍ന്നു.
ബംഗാളി ഭാഷയിലെഴുതിയ കൂറ്റന്‍ ബാനറുകളാണ് ഗ്യാലറിയില്‍ ഉയര്‍ന്നത്. രേഖകള്‍ നല്‍കിയല്ല, രക്തം നല്‍കി വാങ്ങിയ രാജ്യമാണിത് എന്നാണ് ബാനറുകളില്‍ ഒന്നില്‍ എഴുതിയത്. 63756 കാണികളാണ് കൊല്‍ക്കത്ത സോള്‍ട്ട് ലേക്ക് സ്‌റ്റേഡിയത്തില്‍ ഈ സമയമുണ്ടായത്.
ബംഗ്ലാദേശില്‍ നിന്നും ഇന്ത്യയിലേക്കെത്തിയ വലിയ വിഭാഗം ജനങ്ങള്‍ ഈസ്റ്റ് ബംഗാളിന്റെ ആരാധക സംഘത്തിലുണ്ട്. സിഎഎയ്‌ക്കെതിരെ രാജ്യവ്യാപകമായി നടന്ന പ്രതിഷേധങ്ങളില്‍ ബംഗാള്‍ മുന്‍പന്തിയിലുണ്ടായിരുന്നു. നേരത്തെ, ഇന്ത്യ-ഓസ്‌ട്രേലിയ രണ്ടാം ഏകദിനത്തിന് ഇടയിലും പൗരത്വ നിയമത്തിനെതിരായ മുദ്രാവാക്യം വിളികള്‍ ഗ്യാലറിയില്‍ നിറഞ്ഞിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
