ബറോഡ: വനിതാ ക്രിക്കറ്റ് താരങ്ങളോട് ലൈംഗീകാതിക്രമം നടത്തിയെന്ന പരാതിയില് ബറോഡ കോച്ച് അതുല് ബദാദെയെ സസ്പെന്ഡ് ചെയ്തു. ബറോഡ വനിതാ ക്രിക്കറ്റ് താരങ്ങളോട് ഹിമാചല്പ്രദേശില് നടന്ന ടൂര്ണമെന്റിനിടയില് ബദാദെ മോശമായി പെരുമാറിയെന്നാണ് പരാതി.
കഴിഞ്ഞ വര്ഷമാണ് ബദാദെ ബറോഡ വനിതാ ക്രിക്കറ്റ് ടീമിന്റെ പരിശീലകനായി ചുമതലയേറ്റത്. തങ്ങള്ക്ക് നേരെ ലൈംഗികാതിക്രമം കാട്ടുകയും, പരസ്യമായി അപഹസിക്കുകയും ചെയ്തെന്നാണ് പരാതി.
പരാതി ലഭിച്ച ഉടനെ ബദാദെക്കെതിരെ നടപടി സ്വീകരിച്ചതായും, സംഭവത്തില് അന്വേഷണത്തിനായി ഒരു ഏകാംഗ കമ്മിഷനെ നിയോഗിച്ചതായും ബിസിസിഐ സെക്രട്ടറി അജിത് ലെലെ പറഞ്ഞു. ഇന്ത്യക്കായി 13 ഏകദിനങ്ങള് കളിച്ച താരമാണ് ബദാദെ. ഇടംകയ്യന് ബാറ്റ്സ്മാനായ ബദാദെ 64 രഞ്ജി ട്രോഫി മത്സരങ്ങളും കളിച്ചിട്ടുണ്ട്. ബറോഡയുടെ പുരുഷ ടീമിന്റെ പരിശീലകനായും ബദാദെ പ്രവര്ത്തിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
