മാഡ്രിഡ്: വെയ്ല്സ് വിങറും റയല് മാഡ്രിഡ് സൂപ്പര് താരവുമായ ഗെരത് ബെയ്ല് ചൈനീസ് ലീഗിലേക്ക് പോകുന്നില്ല. കോടികളെറിഞ്ഞ് താരത്തെ സ്വന്തമാക്കാനുള്ള ചൈനീസ് ശ്രമങ്ങള് തകര്ന്നതായുള്ള റിപ്പോര്ട്ടുകളാണ് പുറത്തുവരുന്നത്.
ചൈനീസ് ടീം ജിയാങ്സു സുനിങാണ് ബെയ്ലിനെ ടീമിലെത്തിക്കാന് കൊണ്ടുപിടിച്ച് ശ്രമിച്ചത്. ആഴ്ചയില് ഏതാണ്ട് 8.5 കോടി രൂപയാണ് ക്ലബ് ബെയ്ലിന് ഓഫര് ചെയ്തത്. ഇതാണ് ബെയ്ല് ഇപ്പോള് വേണ്ടെന്നു വച്ചിരിക്കുന്നത്. ബെയ്ലിന്റെ കുടുംബം ചൈനയില് താമസിക്കാന് ഇഷ്ടപ്പെടുന്നില്ല എന്നറിയിച്ചതോടെയാണ് കാര്യങ്ങള് മാറിയത്. ചൈനീസ് ക്ലബുമായി കരാര് നടപടിക്രമങ്ങള് 90 ശതമാനവും പൂര്ത്തിയായിരുന്നു. അതിനിടെയാണ് അപ്രതീക്ഷിത ട്വിസ്റ്റ്.
ഇതോടെ റയല് കരാര് ശ്രമങ്ങള് അവസാനിപ്പിച്ചു എന്നാണു മാധ്യമ റിപ്പോര്ട്ട്. ബെയ്ലിന്റെ ഏജന്റ് ജൊനാഥന് ബാര്നറ്റിനെ ക്ലബ് ഇക്കാര്യം അറിയിച്ചിട്ടുണ്ട്.
റയല് മാഡ്രിഡില് നിന്ന് ഏറെക്കുറെ പുറത്തായ അവസ്ഥയിലാണ് ബെയ്ല്. താരത്തിന്റെ ഭാവി സംബന്ധിച്ച് കൂടുതല് വിവരങ്ങള് പുറത്തു വന്നിട്ടില്ല. റയലില് തന്നെ തുടരമോ അതോ മറ്റേതെങ്കിലും ടീമിലേക്ക് താരം ചേക്കേറുമോ എന്നൊക്കെ ഇനി കണ്ടറിയണം. 2013ലാണ് ലോക റെക്കോര്ഡ് തുകയ്ക്ക് ടോട്ടനം ഹോട്സ്പറില് നിന്ന് താരം റയലിലെത്തുന്നത്. റയല് വിടുകയാണെങ്കില് ഏത് ടീമിലേക്കാകും താരം മാറുക എന്നറിയാന് ഫുട്ബോള് ആരാധകരും ആകാംക്ഷയോടെ കാത്തിരിക്കുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
