വിചിത്രമായ ബൗളിങ് ആക്ഷനുമായി ആര്‍ അശ്വിന്‍, ഇത് എന്ത് എറിയലാണെന്ന് ആരാധകര്‍

അശ്വിന്റെ പുതിയ ബൗളിങ് ആക്ഷന്‍ കണ്ട് ഞെട്ടിയിരിക്കുകയാണ് ആരാധകര്‍. ഇതിനെ ബൗളിങ് ആക്ഷനെന്നും പറയാന്‍ പറ്റില്ലെന്നാണ് ആരാധകര്‍ പറയുന്നത്. തമിഴ്‌നാട് പ്രീമിയര്‍ ലീഗിലെ ആദ്യ മത്സരത്തിലായിരുന്നു സംഭവം. 

ഇടംകയ്യൈ അനക്കാതെ വെച്ച് വലത് കൈകൊണ്ട് നീട്ടി എറിയുകയാണ് അശ്വിന്‍. ദിന്‍ഡിഗുല്‍ ഡ്രാഗന്‍സും, ചെപ്പോക്ക് സൂപ്പര്‍ ഗില്ലീസും തമ്മിലുള്ള മത്സരത്തിലെ അവസാന ഓവറിലാണ് അശ്വിന്‍ വിചിത്രമായ ബൗളിങ് ആക്ഷനുമായി എത്തിയത്. 

ബൗളിങ് ആക്ഷനിലെ അപ്രതീക്ഷിത മാറ്റം ബാറ്റ്‌സ്മാനെ ഞെട്ടിച്ചെങ്കിലും വലിയ അപകടമുണ്ടാക്കാതെ ആ ഡെലിവറി കടന്നു പോയി. അശ്വിന്റെ വ്യത്യസ്ത ബൗളിങ് ആക്ഷനാണ് ക്രിക്കറ്റ് പ്രേമികള്‍ക്കിടയില്‍ ഇപ്പോള്‍ വൈറലാവുന്നത്.