കേപ്ടൗണ്‍: ദക്ഷിണാഫ്രിക്കയ്‌ക്കെതിരായ മൂന്നാം ടെസ്റ്റില്‍ ഓസ്‌ട്രേലിയയ്ക്ക് കനത്ത തോല്‍വി. 322 റണ്‍സിനാണ് ദക്ഷിണാഫ്രിക്ക ഓസ്‌ട്രേലിയയെ തകര്‍ത്തത്. നാലു ടെസ്റ്റുകളുടെ പരമ്പരയില്‍ ഇതോടെ 2-1ന് ദക്ഷിണാഫ്രിക്ക മുന്‍പില്‍ എത്തി.
ആദ്യ ഇന്നിംഗിസില്‍ നാലു വിക്കറ്റ് നേടിയ മോണി മോര്‍ക്കല്‍ രണ്ടാം ഇന്നിംഗിസില്‍ അഞ്ച് വിക്കറ്റ് നേടി. മോര്‍ക്കലിന്റെ തകര്‍പ്പന്‍ പ്രകടനമാണ് ദക്ഷിണാഫ്രിക്കയ്ക്ക് തകര്‍പ്പന്‍ വിജയം സമ്മാനിച്ചത്. രണ്ട് ഇന്നിംഗിസിലായി 684 റണ്‍സായിരുന്നു ദക്ഷിണാഫ്രിക്ക നേടിയത്. എന്നാല്‍ രണ്ട് ഇന്നിംഗിസിലായി 362 റണ്‍സ് മാത്രമാണ് ഓസ്‌ട്രേലിയ നേടിയത്. രണ്ടാം ഇന്നിംഗ്‌സ് 107 റണ്‍സിന് എല്ലാവരും പുറത്തായി.
ഡേവിഡ് വാര്‍ണറാണ് ഓസ്‌ട്രേലിയയുടെ ടോപ് സ്‌കോറര്‍. 32 റണ്‍സാണ് വാര്‍ണറുടെ നേട്ടം. 9.4 ഓവറില്‍ 23 റണ്‍സ് മാത്രം വിട്ടുകൊടുത്താണ് മോണി മോര്‍ക്കല്‍ അഞ്ച് വിക്കറ്റ് നേട്ടം. ഓസിസ് താരങ്ങള്‍ പന്തില്‍ ക്രിത്രിമം കാട്ടിയെന്ന വിവാദത്തെ തുടര്‍ന്ന് ഓസിസ് ക്യാപ്റ്റന്‍ സ്റ്റീവ് സ്മിത്ത് മത്സരത്തിനിടെ ക്യാപ്റ്റന്‍ സ്ഥാനം രാജിവെച്ചിരുന്നു. കൂടാതെ അടുത്ത മത്സരത്തില്‍ വിലക്കും മാച്ച് ഫീയുടെ 100 ശതമാനം പിഴയും ചുമത്തിയിരുന്നു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
