കൊല്‍ക്കത്ത: ബംഗാൾ ക്രിക്കറ്റ് അസോസിയേഷൻ നടത്തുന്ന സീനിയർ ഡിവിഷൻ ക്ലബ് ലെവൽ മത്സരത്തിൽ ഇടിവെട്ട് ബാറ്റിംഗിലൂടെ ലോക റെക്കോർഡുമായി വൃദ്ധമാൻ സാഹ. ജെ.സി.മുഖര്‍ജി ട്രോഫിയില്‍ 20 പന്തില്‍ നിന്നാണ് സാഹയുടെ സെഞ്ച്വുറി നേട്ടം.
ബംഗാൾ നാഗ്പൂർ റെയിൽവേസ് റിക്രിയേഷന്‍ ക്ലബ്ബിനെതിരേ മോഹന്‍ ബഗാന് വേണ്ടിയാണ് സാഹ തകര്‍പ്പന്‍ പ്രകടനം നടത്തിയത്. 14 സിക്‌സറുകളും നാലു ഫോറുകളുമടക്കം 20 പന്തില്‍ നിന്ന് 102 റണ്‍സാണ് സാഹ അടിച്ചെടുത്തത്.
ടി-20 മത്സരത്തില്‍ ആദ്യം ബാറ്റ് ചെയ്ത ബി.എന്‍.ആര്‍ റിക്രിയേഷന്‍ ക്ലബ്ബ് പടുത്തുയര്‍ത്തിയ 151 റണ്‍സ് മോഹന്‍ ബഗാന് വെറു ഏഴു ഓവറില്‍ മറികടന്നു. ഏഴാം ഓവറില്‍ മീഡിയം പേസര്‍ അമന്‍ പ്രസോദിന്റെ ആറു പന്തും സാഹ സിക്സർ പറത്തി. ഐപിഎലിന് ദിവസങ്ങള്‍ മാത്രം ബാക്കി നില്‍ക്കെയാണ് സണ്‍റൈസസ് ഹൈദരാബാദ് താരം വൃദ്ധിമാന്‍ സാഹയുടെ ഇടിവെട്ട് ബാറ്റിങ്ങ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
