ഏഴാം വട്ടം സ്വര്‍ണം കഴുത്തിലണിയാനുള്ള പോരില്‍ മേരി കോമിന് കാലിടറി. ലോക ബോക്‌സിങ് ചാമ്പ്യന്‍ഷിപ്പില്‍ ഇന്ത്യയുടെ സൂപ്പര്‍ താരത്തിന് വെങ്കലം കൊണ്ട് തൃപ്തിപ്പെടേണ്ടി വന്നു. എന്നാല്‍, ലോക ബോക്‌സിങ് ചാമ്പ്യന്‍ഷിപ്പില്‍ എട്ട് വട്ടം മെഡല്‍ കഴുത്തിലണിയുന്ന ആദ്യ താരമെന്ന നേട്ടം മേരി കോം ഇവിടെ തന്നെ പേരിലാക്കി.
51 കിഗ്രാം വിഭാഗത്തില്‍ മൂന്നാം സീഡായ മേരി കോമിനെ രണ്ടാം സീഡായ തുര്‍ക്കി താരം തറപറ്റിക്കുകയായിരുന്നു. സെമി ഫൈനലില്‍ ഉടനീളം തുര്‍ക്കിയുടെ ബുസ്നാസ് അധിപത്യം നിലനിര്‍ത്തി. തുര്‍ക്കിയുടെ യൂറോപ്യന്‍ ചാമ്പ്യനാണ് ബുസ്നാസ്.തോല്‍വിയിലേക്ക് വീണതിന് പിന്നാലെ റഫറിയുടെ തീരുമാനത്തിനെതിരെ ഇന്ത്യ അപ്പീല്‍ നല്‍കി. 4-1 എന്നതാണ് സ്‌കോര്‍. റഫറി വിജയിയെ പ്രഖ്യാപിക്കുന്ന സമയം മേരി കോമിന്റെ മുഖത്ത് ഞെട്ടല്‍ വ്യക്തമായിരുന്നു. എന്നാല്‍ ഇന്ത്യയുടെ അപ്പീല്‍ തള്ളി റഫറിയുടെ ഫലം ശരിവെച്ചു.
2016 റിയോ ഒളിംപിക്‌സില്‍ വെങ്കലം നേടിയ വലസന്‍സിയയെ തോല്‍പ്പിച്ചാണ് മേരി കോം സെമി ഫൈനലിലേക്ക് കടന്നത്. സെമി ഫൈനലിലേക്ക് കടന്നതോടെ ലോക ബോക്‌സിങ് ചാമ്പ്യന്‍ഷിപ്പില്‍ എട്ട് മെഡലുകള്‍ നേടുന്ന ആദ്യ താരം താനാവുമെന്ന് മേരി കോം ഉറപ്പിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
