എന്തുകൊണ്ട് സഞ്ജു സാംസണ്‍ ദേശിയ ടീമിലേക്ക് എത്തുന്നില്ല? ക്രിക്കറ്റ് ലോകത്തിന് മുന്നില്‍ ഈ ചോദ്യം എപ്പോഴുമുണ്ട്. ഐപിഎല്ലില്‍ സഞ്ജു മികവ് കാട്ടുമ്പോഴാണ് ദേശീയ ടീമില്‍ സഞ്ജുവിനെ തഴയുന്നതിനെതിരെ ആരാധകരുടെ രോഷം വരുന്നത്. സണ്‍റൈസേഴ്‌സ് ഹൈദരാബാദിനെതിരെ സഞ്ജു കളി ഫിനിഷ് ചെയ്തതിന് പിന്നാലെ ഹര്‍ഷ ഭോഗ്ലെയാണ് സഞ്ജുവിന് വേണ്ടി സംസാരിച്ചെത്തുന്നത്.
എന്തുകൊണ്ട് ദേശീയ ടീമിലേക്ക് സഞ്ജു എത്തുന്നില്ല എന്നത് എന്ന് ചിന്തിച്ച് ഞാന്‍ അത്ഭുതപ്പെടാറുണ്ട്. വേണ്ടതെല്ലാം സഞ്ജുവിനുണ്ട്. ഇന്ത്യന്‍ താരമാകുന്നതില്‍ നിന്നും സഞ്ജുവിനെ തടയുന്ന സ്ഥിരതയില്ലായ്മയെ എങ്ങിനെ സഞ്ജുവിന് നേരിടാനാവും എന്നതാണ് ഞാന്‍ ഉറ്റുനോക്കുന്നത് എന്നും ഹര്‍ഷ ട്വിറ്റില്‍ കുറിച്ചു.
സണ്‍റൈസേഴ്‌സിനെതിരായ മത്സരത്തില്‍ 32 പന്തില്‍ നിന്നും നാല് ഫോറും ഒരു സിക്‌സും പറത്തി രാജസ്ഥാന്റെ ജയം സഞ്ജു ഉറപ്പിക്കുകയായിരുന്നു. 160 റണ്‍സ് വിജയ ലക്ഷ്യം പിന്തുടര്‍ന്ന രാജസ്ഥാനെ അവസാന ഓവറിലെ ആദ്യ പന്തില്‍ ബൗണ്ടറിയടിച്ചാണ് സഞ്ജു ജയിപ്പിച്ചത്. അഞ്ചാം ജയത്തോടെ പോയിന്റ് ടേബിളില്‍ രാജസ്ഥാന്‍ ആറാം സ്ഥാനത്തേക്കെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
